ആരാണ് അയ്യപ്പൻ എന്ന് പറഞ്ഞു തരികയാണ് രാഹുൽ ഈശ്വർ. അയ്യപ്പൻ ദൈവമല്ല മറിച്ച് ദൈവത്തിലേക്കെത്താനുള്ള വഴി ആണെന്നാണ് അദ്ദേഹം പറയുന്നത്. അദ്ദേഹത്തിന്റെ വാക്കുകൾ ഇങ്ങനെ; അയ്യപ്പൻ ഒരു ദൈവമല്ല . ദൈവം അല്ലെങ്കിൽ പിന്നെ ആരാണ് എന്ന സംശയം ഉണ്ടാകും.

പൊതുവെ ഇന്ത്യക്കാർ വളരെ ലൂസ് ആയിട്ട് ഉപയോഗിക്കുന്ന വാക്കാണ് . സച്ചിൻ ദൈവം എന്നൊക്കെ പറയാറുണ്ട്.. അയ്യപ്പൻ എന്ന് പറയുന്നത് ഒരു ഫിലോസഫിയുടെ വാക്കാണ്. മണികണ്ഠൻ എന്ന് പറയുന്ന വ്യക്തിയാണ് അയ്യപ്പൻ. അയ്യൻ അപ്പൻ എന്നീ വാക്കുകൾ ചേർന്നാണ് അയ്യപ്പൻ എന്ന പദം ഉണ്ടായിരിക്കുന്നത്.

അയ്യൻ എന്ന വാക്കിനു പ്രാചീന തമിഴിൽ അർത്ഥം സൂചിപ്പിക്കുന്നത് വിഷ്ണു, വൈഷ്ണവം എന്നൊക്കെയാണ്. അപ്പൻ എന്ന വാക്കിനർത്ഥo ശിവനേയും ശൈലത്തെയുമൊക്കെയാണ് സൂചിപ്പിക്കുന്നത് . ഒരു കാലഘട്ടത്തിൽ ശൈവരും വൈഷ്ണവരും തമ്മിൽ വലിയ സ്പർദ്ദ ഉണ്ടായിരുന്നു.

കമലഹാസന്റെ ദശാവതാരം സിനിമയിൽ ആദ്യഭാഗത്ത് ഒക്കെ ഈ സംഭവം വളരെ വ്യക്തമായി കാണിക്കുന്നുണ്ട്. മണികണ്ഠൻ എന്ന് പറയുന്ന വ്യക്തി ഏകദേശം 985 വർഷങ്ങൾക്കു മുൻപ് പന്തളത്ത് ജനിച്ചതാണ്. അച്ഛന്റെ പേര് ജയന്തൻ അമ്മയുടെ പേര് മായ. ഇദ്ദേഹം അന്നുണ്ടായിരുന്ന ശൈവരെയും വൈഷ്ണവരെയും ഒന്നിപ്പിച്ചു അതുകൊണ്ടാണ് അദ്ദേഹത്തിന് അയ്യപ്പൻ എന്ന പേര് വന്നത്.

അദ്ദേഹത്തിന്റെ സുഹൃത്ത് മുസ്ലിമായ വാവരായിരുന്നു. അർത്തുങ്കൽ ക്രിസ്ത്യൻ പള്ളിയിലെ വെളുത്തയും അയ്യപ്പന്റെ സുഹൃത്തായിരുന്നു. ഇങ്ങനെ മതസൗഹാർദ്ദപരമായ ഒരു അന്തരീക്ഷം അയ്യപ്പൻ പുലർത്തിയിരുന്നു. വ്യത്യസ്ത ജാതികളെയൊക്കെ ഒന്നിച്ചു കൊണ്ടുവരുന്നതിന്റെ വലിയൊരു സിംബൽ ആയിരുന്നു മണികണ്ഠൻ .

ശബരിമലയിലെ മൂർത്തി ശ്രീധർമ്മശാസ്താവ് ആയിരുന്നു. ആയുധം വർഷങ്ങൾക്കു മുന്നേ ജനിച്ച അയ്യപ്പൻ ശ്രീ ധർമ്മശാസ്താവിനെ അവതാരമായി കണക്കാക്കുന്നു. മാത്രമല്ല അയ്യപ്പൻ ശ്രീധർമ്മശാസ്താ വിലയം പ്രാപിച്ചു . അദ്ദേഹത്തിന് ശേഷം ആണ് 18 പടിക്കെട്ട് ഉണ്ടായതും അവിടേക്ക് ആളുകൾ കറുപ്പ് ഉടുത്തും ഇരുമുടികെട്ട് കൊണ്ടും ഒക്കെ പോകുന്ന പതിവു ഉണ്ടായത്.

ഏറ്റവും സംഭവബഹുലമായ ജീവിതത്തിന് ഉടമയായിരുന്നു മണികണ്ഠൻ. ചരിത്രബോധം ഇല്ലായ്മയാണ് ഇന്ത്യയുടെ ഏറ്റവും വലിയ പ്രശ്നം. സീരിയലുകളിലൂടെ അയ്യപ്പനെ കണ്ടു എന്നല്ലാതെ ഇതിന്റെ ചരിത്രം പഠിക്കാൻ ആരും ശ്രമിച്ചിട്ടില്ല. അയ്യപ്പൻ പഠിച്ചത് ഒരു ഈഴവ കളരിയിൽ ആയിരുന്നു.

അയ്യപ്പന്റെ പട്ടാളം നായരായിരുന്നു. അദ്ദേഹത്തിന്റെ സൈന്യം മലയര ഷെഡ്യൂൾഡ് ഡ്രൈബിൽ ഉൾപ്പെടുന്ന ആൾക്കാർ ആയിരുന്നു.എല്ലാം സാമുദായിക വിഭാഗത്തിൽ നിന്നുള്ളവരെ ഒന്നിച്ചു ചേർത്ത് ഈ നാടിന്റെ രക്ഷകൻ എന്ന് വിശേഷിപ്പിക്കാവുന്ന ഒരു വ്യക്തിയാണ് മണികണ്ഠൻ.

ക്രിസ്ത്യാനികൾ യഹോവ എന്ന് പറയുന്നത് പോലെ മുസ്ലീങ്ങൾ അള്ളാഹു എന്ന് പറയുന്നത് പോലെ ഹിന്ദുക്കൾ ഉപയോഗിക്കുന്നത് ബ്രഹ്മം എന്ന വാക്കാണ്.

അയ്യപ്പൻ ദേവതകളാണ്. ദേവതാ എന്ന് പറഞ്ഞാൽ ദൈവത്തിലേക്ക് എത്താനുള്ള പാത എന്നാണ് പറയപ്പെടുന്നത്. ശബരിമല അയ്യപ്പൻ തെക്ക് ഇന്ത്യയുടെ ചരിത്രത്തിൽ ജനിച്ച ചരിത്രപുരുഷനാണ്. അവരെ തിരിച്ചറിയാൻ നമുക്ക് സാധിക്കട്ടെ.