കോൺഗ്രസ്സിൽ തർക്കമുണ്ടായതിനെ തുടർന്ന് പുറത്താക്കളും രാജിവെപ്പുമൊക്കെ തകൃതിയായി നടക്കുകയാണ്. കോണ്‍ഗ്രസിലെ പുതിയ മാറ്റം ജനാധിപത്യത്തിന് ഗുണകരമാണെന്ന്​ ജനപക്ഷം നേതാവ്​ പി.സി. ജോര്‍ജ് വാര്‍ത്തസമ്മേളനത്തില്‍ അഭിപ്രായപ്പെട്ടു​. ഇപ്പോഴത്തെ പൊട്ടിത്തെറി ഉടന്‍ അവസാനിക്കും. പുതിയ ഭാരവാഹികള്‍ കോണ്‍ഗ്രസ് പാരമ്പര്യം ഉള്ളവരാണ്​. കെ.സി. വേണുഗോപാലിനെതിരായ വിമര്‍ശനം കുശുമ്പുകൊണ്ടാണെന്നും പറഞ്ഞു.

ഉമ്മന്‍ ചാണ്ടിയുടെയും രമേശ് ചെന്നിത്തലയുടെയും രാഷ്​ട്രീയപ്രവര്‍ത്തനകാലം കഴിഞ്ഞു. ഒരുവട്ടം കൂടി താന്‍ മത്സര രംഗത്തുണ്ടാകും. യു.ഡി.എഫ് സ്ഥാനാര്‍ഥിയായി മത്സരിക്കാനുള്ള സാധ്യത തള്ളുന്നില്ല. യു.ഡി.എഫിലേക്ക് പോകുന്നതാണ് നല്ലതെന്നാണ് കേരള ജനപക്ഷത്തി​െന്‍റ എല്ലാ കമ്മിറ്റികളുടെയും അഭിപ്രായം- പി.സി. ജോര്‍ജ് വ്യക്തമാക്കി..