താലിബാനെ വിറപ്പിച്ച് പഞ്ച്ഷീര്...യുഎസ് പിന്വാങ്ങിയതിനു പിന്നാലെ താലിബാന് ചെന്നത് പഞ്ച്ഷീറിലേക്ക്; താലിബാന്റെ പ്രകോപനത്തിന് കീഴടങ്ങാതെ ശക്തമായി പോരാട് പഞ്ച്ഷീര് സേന; പഞ്ച്ഷീര് കവാടത്തില് ഭീകരരും പ്രതിരോധ സേനയും നേര്ക്കുനേര്
അമേരിക്ക പിന്മാറിയതോടെ താലിബാന്റെ അടുത്ത ലക്ഷ്യം പഞ്ച്ഷീറായി. അഫ്ഗാനിസ്ഥാനിലെ പഞ്ച്ഷീറിലേക്കുളള പ്രവേശന കവാടമായ ഗുല്ബഹാര് പ്രദേശത്ത് അഹ്മദ് മസൂദിന്റെ നേതൃത്വത്തിലുളള പ്രതിരോധ സേനയും താലിബാനും തമ്മില് കനത്ത പോരാട്ടം തുടരുകയാണെന്ന് പ്രാദേശിക റിപ്പോര്ട്ടുകള് പറയുന്നു. ഏറ്റുമുട്ടലില് ഗുല്ബഹാര് റോഡിനെ പഞ്ച്ഷീറുമായി ബന്ധിപ്പിക്കുന്ന ഒരു പാലം താലിബാന് തകര്ത്തതായി സ്ഥിരീകരിക്കാത്ത റിപ്പോര്ട്ടുകളുണ്ടെന്ന് ഫ്രീലാന്സ് പത്രപ്രവര്ത്തകന് നതിക് മാലിക്സാദ ട്വീറ്റ് ചെയ്തു.
തിങ്കളാഴ്ച രാത്രി പഞ്ച്ഷീര് താഴ്വരയില് നടന്ന ഏറ്റുമുട്ടലില് എട്ടോളം താലിബാന് ഭീകരര് കൊല്ലപ്പെട്ട് ഒരു ദിവസം പിന്നിടുമ്പോഴാണ് ഇത്തരമൊരു റിപ്പോര്ട്ട് പുറത്ത് വന്നിരിക്കുന്നത്. പഞ്ച്ഷീറിന് നേരെ തിങ്കളാഴ്ച രാത്രി താലിബാന് ആക്രമണം നടത്തിയതായി താലിബാനെതിരായ പ്രതിരോധ പ്രസ്ഥാനത്തിന് നേതൃത്വം നല്കുന്ന അഹ്മദ് മസൂദിന്റെ വക്താവ് ഫഹീം ദാഷ്തി പറഞ്ഞു. പഞ്ച്ഷീര് സേനയില് ചേര്ന്ന മുന് വൈസ് പ്രസിഡന്റ് അംറുല്ല സാലിഹ് ട്വിറ്ററില് സന്ദേശങ്ങള് പങ്കിടുന്നത് തടയാന് താലിബാന് ഞായറാഴ്ച പഞ്ച്ഷീറിലെ ഇന്റര്നെറ്റ് സേവനങ്ങള് നിര്ത്തിവച്ചിരുന്നു.
അഫ്ഗാനിസ്ഥാന് പ്രവിശ്യയായ പഞ്ച്ഷീര് കീഴടക്കാന് ഇതുവരെ താലിബാന് കഴിഞ്ഞിട്ടില്ല. താലിബാന് എതിരെ പോരാടുന്ന നിരവധിപേര് ഇവിടെ ഒത്തുകൂടിയിട്ടുണ്ട്. ഐതിഹാസിക അഫ്ഗാന് വിമത കമാന്ഡര് അഹ്മദ് ഷാ മസൂദിന്റെ മകന് അഹ്മദ് മസൂദും അംറുല്ല സാലിഹും പഞ്ച്ഷിര് താഴ്വരയിലാണ് ഉളളത്. അമേരിക്ക തങ്ങളുടെ സൈന്യത്തെ പിന്വലിച്ചതോടെ അഫ്ഗാനിലെ സംഭവ വികാസങ്ങളെ ലോകം ജനത ഏറെ പ്രാധാന്യത്തോടെയാണ് വീക്ഷിക്കുന്നത്.
അതേസമയം താലിബാനു മുന്നില് ഇനിയും അടിയറവ് പറഞ്ഞിട്ടില്ലാത്ത അഫ്ഗാനിസ്ഥാനിലെ ഒരേയൊരു പ്രവിശ്യയായ പഞ്ച്ഷീര് താഴ്വരയിലെ ഇന്റര്നെറ്റ് താലിബാന് വിച്ഛേദിച്ചു. അഫ്ഗാനിസ്ഥാനില് താലിബാന് പോരാട്ടങ്ങള്ക്ക് നേതൃത്വം കൊടുക്കുന്ന മുന് ഉപരാഷ്ട്രപതി അമറുള്ള സലേയുടെ ട്വീറ്റുകള് തടയുന്നതിനു വേണ്ടിയുള്ള നടപടിയായാണ് ഇതിനെ പലരും കാണുന്നത്.
അഫ്ഗാനിസ്ഥാനിലെ മറ്റ് പ്രവിശ്യകള് എല്ലാം താലിബാനു മുന്നില് മുട്ടുമടക്കിയപ്പോള് പഞ്ച്ഷീര് താഴ്വര മാത്രമാണ് ഇപ്പോഴും താലിബാനു മുന്നില് കീഴടങ്ങാതെ നില്ക്കുന്നത്.
അഫ്ഗാനിലെ മുന് വിമത നേതാവ് അഹമദ് ഷാ മസൂദിന്റെ മകന് അഹമദ് മസൂദും നിലവില് അമറുള്ള സലേയോടൊപ്പം പഞ്ച്ഷീര് താഴ്വരയിലാണുള്ളത്. ഇതെല്ലാമാണ് പഞ്ച്ഷീറിനെ താലിബാന് നോട്ടമിടാനുള്ള പ്രധാന കാരണം.ആഗസ്റ്റ് 15ന് അഫ്ഗാനിസ്ഥാന് പ്രസിഡന്റ് അഷറഫ് ഘനി രാജ്യം വിട്ടപ്പോള് ഭരണഘടനയനുസരിച്ച് സലേ സ്വയം അധികാരം ഏറ്റെടുക്കുകയായിരുന്നു. എന്നാല് സലേയുടെ നേതൃത്വം അമേരിക്കയടക്കമുള്ള രാജ്യങ്ങളും ഐക്യരാഷ്ട്ര സഭയും ഇതുവരെയായും അംഗീകരിച്ചിട്ടില്ല.
അതേസമയം താലിബാനെ ചെറുത്തുനില്ക്കുന്ന പഞ്ച്ഷീര് താഴ്വര കീഴടക്കാന് നീക്കം ആരംഭിച്ചു. നൂറുകണക്കിന് സായുധ സംഘത്തെ താഴ്വരയിലേക്ക് അയച്ചതായി താലിബാന് അറിയിച്ചു. താലിബാന് വിരുദ്ധ ശക്തികേന്ദ്രം എന്നറിയപ്പെടുന്ന പഞ്ച്ഷീര് കാബൂളിന്റെ വടക്കു ഭാഗത്താണ്.
പ്രധാനമായും മുന്സര്ക്കാറിലെ ചില സൈനികരും ഇവിടെയുണ്ട്. താലിബാനെതിരെ ശക്തമായ ചെറുത്തുനില്പ്പാണ് ഇവിടെയുള്ളത്. പഞ്ച്ഷീര് കീഴടക്കുകയാണ് ലക്ഷ്യമെന്ന് താലിബാന് അറിയിച്ചു.
https://www.facebook.com/Malayalivartha
