വര്‍ക്കലയില്‍ പ്രായ പൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍. വക്കം ഊപ്പോട് വീട്ടില്‍ സുധീര്‍ഷായുടെ മകന്‍ ഫെബിന്‍ ഷാ (19 )യെയാണ് വര്‍ക്കല പോലീസ് അറസ്റ്റ് ചെയ്തത്. പെണ്‍കുട്ടിയെ പലതവണ ലൈംഗികമായി പീഡിപ്പിച്ച കേസില്‍ ആണ് ഇയാളെ അറസ്റ്റ് ചെയ്തത്.

പ്രതി പ്രേമം നടിച്ച്‌ വശീകരിച്ച്‌ പെണ്‍കുട്ടിയെ ലൈംഗികമായി പീഡിപ്പിച്ചുവെന്നാണ് പൊലീസ് പറയുന്നത്. ഇന്‍സ്റ്റഗ്രാമിലൂടെയാണ് പെണ്‍കുട്ടിയെ പ്രതി പരിചയപ്പെടുന്നത്.

വര്‍ക്കല ഡിവൈഎസ്പിയുടെ നിര്‍ദ്ദേശ പ്രകാരം നടത്തിയ അന്വേഷണത്തിലാണ് ഫെബിന്‍ ഷായെ അറസ്റ്റ് ചെയ്തത്. കോടതിയില്‍ ഹാജരാക്കി പ്രതിയെ റിമാന്‍ഡ് ചെയ്തു. വര്‍ക്കല സ്വദേശിയായ പെണ്‍കുട്ടിയുടെ വീട്ടുകാരുടെ പരാതിയെ തുടര്‍ന്നാണ് അറസ്റ്റ്.