സംസ്ഥാനത്ത് ഒഴിയാതെ കോവിഡ് വ്യാപനം... സര്ക്കാരിന്റെ ടെലിമെഡിസിന് സംവിധാനമായ ഇസഞ്ജീവനി സേവനങ്ങള് കൂടുതല് ശക്തിപ്പെടുത്താന് തീരുമാനിച്ച് ആരോഗ്യ വകുപ്പ്
സംസ്ഥാനത്ത് കോവിഡ് വ്യാപനം ഒരു മാറ്റവുമില്ലാതെ തുടരുകയാണ്. ഈ സാഹചര്യത്തിൽ സര്ക്കാരിന്റെ ടെലി മെഡിസിന് സംവിധാനമായ ഇസഞ്ജീവനി സേവനങ്ങള് കൂടുതല് ശക്തിപ്പെടുത്താന് തീരുമാനിച്ചിരിക്കുകയാണ് ആരോഗ്യ വകുപ്പ്.
കൂടുതല് സ്പെഷ്യാലിറ്റി ഡോക്ടര്മാരുടെ സേവനങ്ങള് ഉള്പെടുത്തി ശക്തിപ്പെടുത്തനും തീരുമാനമായിയെന്ന് ആരോഗ്യ മന്ത്രി. കോവിഡ് കാലത്ത് പരമാവധി ആശുപത്രി സന്ദര്ശനം ഒഴിവാക്കി വീട്ടില് ഇരുന്നുകൊണ്ടുതന്നെ ചികിത്സ തേടാന് ഇ സഞ്ജീവനിയിലൂടെ കഴിയും. 4365 ഡോക്ടര്മാരാണ് ഈ സേവനം നല്കുന്നത്.
സാധാരണ ഒപിക്ക് പുറമേ എല്ലാ ദിവസവും സ്പെഷ്യാലിറ്റി ഡോക്ടര്മാരുടെ സേവനവും ഉറപ്പ് വരുത്തിയിട്ടുണ്ട്. കോവിഡ് വ്യാപനം കുറഞ്ഞതിനെ തുടര്ന്ന് ആശുപത്രിയില് നേരിട്ട് പോയി തുടര്ചികിത്സ നടത്തുന്നവരും ടെലി മെഡിസിന് സേവനം ഉപയോഗിക്കാവുന്നതാണ്.
കോവിഡ് ഒ.പി. എല്ലാ ദിവസവും 24 മണിക്കൂറും ലഭ്യമാണ്. എല്ലാ ദിവസവും രാവിലെ 8 മണി മുതല് രാത്രി 8 മണിവരെയാണ് ജനറല് ഒപി പ്രവര്ത്തിക്കുന്നത്.
ഏത് വിധത്തിലുള്ള അസുഖങ്ങള്ക്കും ചികിത്സ സംബന്ധമായ സംശയങ്ങള്ക്കും സേവനം തേടാം. ഇതുവരെ 2.45 ലക്ഷം പേരാണ് ഇ സഞ്ജീവനി സേവനം ഉപയോഗിച്ചതായി ആരോഗ്യ മന്ത്രി വീണ ജോര്ജ് പറഞ്ഞു.
https://www.facebook.com/Malayalivartha
