രാത്രികാല യാത്ര നിയന്ത്രണങ്ങള് ആവശ്യമില്ല; വാക്സിനേഷന് മികച്ച രീതിയില് മുന്നോട്ടു പോകുന്നതിനാല് വൈകാതെ രോഗവ്യാപനത്തിന്റെ തോതു നിയന്ത്രിക്കാനാകും; സംസ്ഥാനത്ത് സര്ക്കാര് ഏര്പ്പെടുത്തിയ കടുത്ത നിയന്ത്രണങ്ങള് അനാവശ്യമെന്ന് ആരോഗ്യവിദഗ്ധര്
സംസ്ഥാനത്ത് കോവിഡ് വ്യാപനവുമായി ബന്ധപ്പെട്ട് സര്ക്കാര് ഏര്പ്പെടുത്തിയ കടുത്ത നിയന്ത്രണങ്ങള് അനാവശ്യമെന്ന് ആരോഗ്യവിദഗ്ധര്. രാത്രികാല യാത്ര നിയന്ത്രണങ്ങള് ആവശ്യമില്ലെന്നും ഞായറാഴ്ചകളിലെ ലോക്ക്ഡൗണ് ഒഴിവാക്കണമെന്നും മുഖ്യമന്ത്രി വിളിച്ച യോഗത്തില് വിദഗ്ദര് നിര്ദേശം നല്കി.
സംസ്ഥാനത്ത് ആള്ക്കൂട്ടം നിയന്ത്രിക്കാനുള്ള ക്രമീകരണങ്ങള് ഉറപ്പാക്കി പരമാവധി മേഖലകള് തുറക്കുകയാണ് വേണ്ടതെന്നും വിദഗ്ധര് നിര്ദേശിച്ചു. കേരളത്തില് നിലവിലുള്ള രോഗവ്യാപനത്തില് കാര്യമായ ആശങ്ക വേണ്ടെന്നും വാക്സിനേഷന് മികച്ച രീതിയില് മുന്നോട്ടു പോകുന്നതിനാല് അധികം വൈകാതെ രോഗവ്യാപനത്തിന്റെ തോതു നിയന്ത്രിക്കാനാകുമെന്നും വിദഗ്ദര് അഭിപ്രായപ്പെട്ടു.
കോവിഡ് ബാധിതരെ ഗുരുതരാവസ്ഥയില് ആശുപത്രികളില് പ്രവേശിപ്പിക്കുന്നതിന്റെ എണ്ണം കുറഞ്ഞത് രോഗബാധ അപകടകരമല്ല എന്നതിന്റെ എന്നതിന്റെ സൂചനയാണെന്നും കേരളത്തിന്റെ സാമ്ബത്തിക-സാമൂഹിക മേഖലകളെ കൂടുതല് സജീവമാക്കാനുള്ള ആലോചനകള് അത്യാവശ്യമാണെന്നും വിദഗ്ദര് വിലയിരുത്തി. സംസ്ഥാനത്ത് പ്രൈമറി സ്കൂളുകള് തുറക്കാമെന്നും ആരോഗ്യവിദഗ്ധരുടെ യോഗത്തില് നിര്ദേശമുയര്ന്നു.
https://www.facebook.com/Malayalivartha
