നിങ്ങളുടെ സൃഷ്ടികളുടെ നിലവാരം കൊണ്ടാണല്ലോ ഇവിടെ ഇത്രയധികം ബലാല്സംഗങ്ങളും രാഷ്ട്രീയ കൊലപാതങ്ങളും കുറഞ്ഞ് കുറഞ്ഞ് വരുന്നത്... കേരളത്തിലെ സിനിമ വിലയിരുത്തുമ്ബോള് കുറോസോവയുടെ സിനിമയുടെ നിലവാരമുണ്ടോ ? തുടര്ച്ചയായ രണ്ടാം വര്ഷവും സംസ്ഥാന ടി.വി. അവാര്ഡ് ജേതാക്കളില് ഇടം നേടാനാകാതെ സീരിയല് വിഭാഗം, ജൂറിയുടെ തീരുമാനത്തിനെതിരെ നടന് ഹരീഷ് പേരടി
കഴിഞ്ഞ ദിവസം സംസ്ഥാന ടെലിവിഷൻ അവാര്ഡ് പ്രഖ്യാപിക്കുകയുണ്ടായി. എന്നാൽ തുടര്ച്ചയായ രണ്ടാം വര്ഷവും സംസ്ഥാന ടി.വി. അവാര്ഡ് ജേതാക്കളില് സീരിയല് വിഭാഗം ഇടം നേടിയിരുന്നില്ല. മികച്ച ടെലി സീരിയല്, രണ്ടാമത്തെ ടെലി സീരിയല്, മികച്ച ടെലി സീരിയല്/ ടെലിഫില്ം കഥാകൃത്ത് തുടങ്ങിയ വിഭാഗങ്ങളിലാണ് പുരസ്കാരജേതാക്കളെ പ്രഖ്യാപിക്കാത്തത്. 'കലാമൂല്യവും സാങ്കേതിക മികവും പ്രകടമാക്കുന്ന സൃഷ്ടികള് ഒന്നും തന്നെ കണ്ടെത്താന് സാധിക്കാത്തതിനാല് ഈ വിഭാഗത്തില് അവാര്ഡ് നല്കേണ്ടതില്ല' എന്നായിരുന്നു ജൂറിയുടെ തീരുമാനം.
എന്നാൽ ഈ തീരുമാനത്തിനെതിരെ ഇപ്പോഴിതാ നടന് ഹരീഷ് പേരടി രംഗത്തെത്തിയിട്ടുണ്ട്. ഒരു ഫേസ്ബുക്ക് കുറിപ്പിലൂടെയാണ് ഹരീഷ് പേരടി തന്റെ പ്രതിഷേധം അറിയിച്ചത്. പുരസ്കാര പ്രഖ്യാപനവേളയിലെ അംഗങ്ങളുടെ ചിത്രം സഹിതമാണ് പേരടിയുടെ വിമര്ശനം.
ഫേസ്ബുക്ക് പോസ്റ്റ് ഇങ്ങനെ:
ഈ നില്ക്കുന്നവരുടെ വീട്ടിലേക്ക് വൈകുന്നേരം ചെന്നാല് 7 മണി മുതല് 9 മണി വരെ സീരിയലുകള് ഓടികൊണ്ടിരിക്കുകയായിരിക്കും... അവരുടെ അച്ഛനോ അമ്മയോ ഭാര്യയോ ആരെങ്കിലും സിരിയലുകള് കണ്ടുകൊണ്ടിരിക്കുകയായിരിക്കും... ഇവരുടെ വീടുകളില് തകരാത്ത എന്ത് നിലവാരമാണ് മറ്റു വീടുകളില് തകരാന് പോകുന്നത്.. നിങ്ങളുടെ മുന്നില് വന്ന സീരിയലുകള് ജഡ്ജ് ചെയ്യാനാണ് നിങ്ങളെ വിളിച്ചത്... അല്ലാതെ നിലവാരം പരിശോധിക്കാനല്ല... അതിന് വേറെ കമ്മറ്റിയെ സര്ക്കാര് നിയോഗിക്കും... പറഞ്ഞ പണിയെടുത്താല് പോരെ... അല്ലെങ്കില് നിങ്ങളുടെയൊക്കെ കഥകള്ക്കും സിനിമകള്ക്കും ഭയങ്കര നിലവാരമല്ലെ?..
നിങ്ങളുടെ സൃഷ്ടികളുടെ നിലവാരം കൊണ്ടാണല്ലോ ഇവിടെ ഇത്രയധികം ബലാല്സംഗങ്ങളും രാഷ്ട്രീയ കൊലപാതങ്ങളും കുറഞ്ഞ് കുറഞ്ഞ് വരുന്നത്... കേരളത്തിലെ സിനിമ വിലയിരുത്തുമ്ബോള് കുറോസോവയുടെ സിനിമയുടെ നിലവാരമുണ്ടോ ?.. കേരളത്തിലെ കഥകള് വിലയിരുത്തുമ്ബോള് പൗലോ കൊയ്ലോയുടെ നിലവാരമുണ്ടോ?.. എന്ന് നോക്കിയിട്ടലല്ലോ നിങ്ങള്ക്കൊന്നും പലപ്പോഴായി അവാര്ഡുകള് തന്നത്... പഞ്ചായത്ത് തല കായിക മത്സരത്തിലെ 100 മീറ്റര് ഓട്ടത്തിന് പി.ടി. ഉഷയുടെ ഓട്ടത്തിന്റെ നിലവാരം ആരും പരിഗണിക്കാറില്ല...
അല്ലെങ്കിലും സിനിമ, സാഹിത്യം തുടങ്ങിയ കലയിലെ സവര്ണ്ണര്ക്ക് പുച്ഛമായ എല്ലാവരും പരിഹസിക്കുന്ന കലയിലെ അവര്ണ്ണരായ സീരിയല് കലാകാരന്മാരെ വിലയിരുത്താന് ഒരു യോഗ്യതയൂമില്ല... എന്റെ വീട്ടില് സീരിയലുകള് കാണാറുണ്ട്... ഞാന് സീരിയലുകളില് അഭിനയിച്ച് കുറെ കാലം കുടുംബം പോറ്റിയിട്ടുമുണ്ട്... എന്നിട്ടും ഞങ്ങള് ഞങ്ങളുടെ നിലപാടുകള് ഉറക്കെ പറയാറുണ്ട്... സീരിയലുകള് എഴുതാനുള്ള അവസരത്തിനു വേണ്ടി നടക്കുന്ന ഒരുപാട് ബുദ്ധിജീവികളെ ഞാന് കണ്ടിട്ടുമുണ്ട്... ഇതൊക്കെ വെറും ജാഡ.. അത്രയേയുള്ളൂ.
https://www.facebook.com/Malayalivartha
