പ്രവാസികൾക്ക് സഹായവുമായി നടന് കൃഷ്ണകുമാർ; വിസ കാലാവധി കഴിഞ്ഞവരുടെ ധര്മ്മസങ്കടം അബുദാബി ഗവണ്മെന്റിന്റെ ശ്രദ്ധയിൽപെടുത്തും...
കോവിഡ് പശ്ചാത്തലത്തില് വിസ കാലാവധി കഴിഞ്ഞ് നാട്ടില്പെട്ടുപോയ പ്രവാസികളെ സഹായിക്കാമൊരുങ്ങി നടന് കൃഷ്ണകുമാർ. അബുദാബിയില് നിന്ന് ലീവിന് വന്ന പ്രവാസികളാണ് തിരികെ ജോലിയില് പ്രവേശിക്കാന് കഴിയാതെ പ്രതിസന്ധിയിൽ തുടരുകയാണ്. ഈ വിഷയം നടന്റെ ഫേസ്ബുക്ക് പോസ്റ്റില് കമന്റായി ഒരു പ്രവാസി അവതരിപ്പിച്ചപ്പോഴാണ് കേന്ദ്ര സഹമന്ത്രി വി. മുരളീധരന്റെ ഓഫീസ് മുഖേന പ്രശ്നപരിഹാരത്തിന് വേണ്ടത് ചെയ്യാമെന്ന് കൃഷ്ണകുമാര് ഉറപ്പ്
നല്കിയത്.
തുടര്ന്ന് അദ്ദേഹം കൂടുതല് വിവരങ്ങള് ചോദിച്ചറിയുകയും ഉടന് തന്നെ മന്ത്രിയുടെ ഓഫീസുമായി ബന്ധപ്പെട്ട് പ്രവാസികള്ക്ക് വിവരങ്ങള് കാണിച്ച് മെയില് അയയ്ക്കാനുള്ള സംവിധാനം ഉണ്ടാക്കുകയും ചെയ്യുകയായിരുന്നു. 'നിങ്ങളുടെ ആവശ്യം ബഹുമാനപെട്ട കേന്ദ്ര സഹമന്ത്രി വി മുരളീധരന്റെ ഓഫീസില് അറിയിച്ചു. അവര് ഈ വിഷയത്തില് ഇടപെടാനും സഹായിക്കാനും തയ്യാറാണ്.
ഇനി പറയുന്ന മെയില് ഐഡിയിലേക്ക് കൃത്യമായ പ്രശ്നം ചൂണ്ടികാണിച്ച് എത്രയും പെട്ടെന്ന് ഒരു മെയില് അയക്കുക. [email protected] മെയില് അയച്ച ശേഷം എനിക്കൊരു മറുപടി തരുക' എന്നാണ് അദ്ദേഹം മറുപടി നല്കിയത്. വിസ കാലാവധി കഴിഞ്ഞവരുടെ ധര്മ്മസങ്കടം അബുദാബി ഗവണ്മെന്റിന്റെ ശ്രദ്ധയില്പ്പെടുത്താം എന്നും അദ്ദേഹം ഉറപ്പു നല്കി.
കോവിഡ് പ്രതിസന്ധിമൂലം തിരികെ ജോലിയില് പ്രവേശിക്കാന് കഴിയാത്ത പ്രവാസികള് കാര്യകാരണ സഹിതം മേല്പ്പറഞ്ഞ മെയില് ഐഡിയിലേക്ക് മെയില് അയയ്ക്കുകയാണെങ്കില് മന്ത്രിയുടെ ഓഫീസില് നിന്നും വേണ്ട നടപടി ഉണ്ടാകുമെന്നും കൃഷ്ണകുമാര് വ്യക്തമാക്കി. പാസ്പോര്ട്ട് കാലാവധി തീര്ന്നവര്ക്കും ഈ മെയില് ഐഡിയുമായി ബന്ധപ്പെട്ടാല് ഉടനടി സഹായം ലഭ്യമാക്കുന്നതാണ് എന്നും അദ്ദേഹം പറഞ്ഞു.
നേരത്തെ ബഹ്റൈനില് പാസ്പോര്ട്ടിന്റെ കാലാവധി കഴിഞ്ഞ് പ്രതിസന്ധിയിലായ ഒരു പ്രവാസിക്ക് അദ്ദേഹത്തിന്റെ ഇടപെടലില് സഹായം ലഭിച്ചിരുന്നു. ഖത്തറില് തൊഴില് കാര്ഡിന്റെ കാലാവധി കഴിഞ്ഞ് ജോലിയില് തുടര്ന്ന ഗര്ഭിണിയായ സ്ത്രീയെ കാണാതായ വിവരം ബന്ധുക്കള് കൃഷ്ണകുമാറിന്റെ ശ്രദ്ധയില്പ്പെടുത്തുകയും അദ്ദേഹം സഹായിക്കുകയും ചെയ്തിരുന്നു.
https://www.facebook.com/Malayalivartha
