പള്ളിയോടത്തില് കയറി സീരിയല് താരത്തിന്റെ ഫോട്ടോഷൂട്ട്; ഭക്തര് പവിത്രതയോടെ കാണുന്ന പള്ളിയോടത്തില് സീരിയല് താരം ഷൂസണിഞ്ഞ് കയറിയത് വന് പ്രതിഷേധത്തിന് ഇടയാക്കി, പിന്നാലെ പോസ്റ്റ് ഡിലീറ്റ് ചെയ്ത ക്ഷമാപണവുമായി താരം
ഭക്തര് പവിത്രതയോടെ കാണുന്ന പള്ളിയോടത്തില് സീരിയല് താരം ഷൂസിട്ട് കയറി ഫോട്ടോ ഷൂട്ട് നടത്തിയത് വലിയ വിവാദമായി മാറിയിരിക്കുകയാണ്. സീരിയല്, ഇന്സ്റ്റാഗ്രാം താരം തൃശ്ശൂര് ചാലക്കുടി സ്വദേശി നിമിഷയാണ് പുതുക്കുളങ്ങര പള്ളിയോടത്തില് ഷൂസണിഞ്ഞ് കയറി ഫോട്ടോഷൂട്ട് നടത്തിയത്. ആറന്മുള വള്ളസദ്യ, ഉതൃട്ടാതി ജലമേള, തിരുവോണത്തോണിക്ക് അകമ്പടി സേവിക്കല് എന്നീ ആചാരപരമായ കാര്യങ്ങള്ക്കു മാത്രമാണ് പള്ളിയോടങ്ങള് നീറ്റിലിറക്കാറുള്ളത്.
ഭഗവത് സാന്നിദ്ധ്യം ഉണ്ടെന്ന് വിശ്വസിക്കുന്നതിനാല് തന്നെ പള്ളിയോടത്തില് തുഴച്ചില്ക്കാര് പോലും വ്രതം നോറ്റ് ചെരുപ്പിടാതെയാണ് കയറുന്നത്. ഭക്തര് ഇത്തരത്തിൽ ഏറെ പവിത്രതയോടെ കാണുന്ന പള്ളിയോടത്തില് സീരിയല് താരം ഷൂസണിഞ്ഞ് കയറിയത് പള്ളിയോട കരകളില് വന് പ്രതിഷേധത്തിന് വഴിയൊരുക്കിയിട്ടുണ്ട്. ചെങ്ങന്നൂര് പുലിയൂര് സ്വദേശി ഉണ്ണി എന്ന യുവാവിനൊപ്പമാണ് നിമിഷയും മറ്റൊരു യുവതിയും എത്തിയത് തന്നെ. ഉണ്ണിയുടെ ഉടമസ്ഥതയിലുള്ള ആനയ്ക്കൊപ്പം നിന്ന് ഫോട്ടോ ഷൂട്ട് നടത്തുന്നതിനിടെയാണ് ഇവര് പള്ളിയോടത്തില് കയറി ഫോട്ടോ നടത്തിയത്. ഈചിത്രം സമൂഹമാധ്യമങ്ങളിൽ വൈറലായതോടെയാണ് പ്രതിഷേധം വ്യാപകമായത്.
അതോടൊപ്പം തന്നെ തിരുവാറന്മുള പള്ളിയോടങ്ങളുടെ ആചാര അനുഷ്ഠാനുങ്ങളും വിശ്വാസങ്ങളും വെല്ലുവിളിച്ച് പടിഞ്ഞാറന് മേഖലയിലുള്ള പുതുക്കുളങ്ങര പള്ളിയോടത്തില് സീരിയില് താരം അതിക്രമിച്ച് കറിയതിനെതിരെ ചതയം ജലോത്സവ സാംസ്ക്കാരിക സമിതി പ്രതിഷേധിക്കുകയുണ്ടായി. ചെയ്ത തെറ്റ് മനസിലാക്കി സംഭവത്തില് നിരുപാധികം മാപ്പ് പറയണമെന്ന് യോഗം ആവിശ്യപ്പെടുകയും ചെയ്തു.
അതേസമയം സംഭവത്തിന് പിന്നാലെ ക്ഷമാപണവുമായി നദി രംഗത്ത് എത്തി. വില്ലായ്മ കൊണ്ടാണ് പള്ളിയോടത്തില് ഷൂസിട്ട് കയറിയതെന്ന് സീരിയല് താരം നിമിഷ പറയുകയുണ്ടായി. ആചാര അനുഷ്ഠാനങ്ങള് ലംഘിക്കണമെന്ന് താന് മനപൂര്വ്വം വിചാരിച്ചിട്ടില്ല. സംഭവത്തില് കരക്കാര്ക്കും വിശ്വാസികള്ക്കുമുണ്ടായ പ്രയാസത്തില് ക്ഷമ ചോദിക്കുന്നതായും നിമിഷ പറഞ്ഞു. തെറ്റ് മനസിലായതിനെ തുടര്ന്ന് നിമിഷ നവ മാദ്ധ്യമങ്ങളില് നിന്നും പള്ളിയോടത്തില് നില്ക്കുന്ന ഫോട്ടോ ഒഴിവാക്കിയിട്ടുണ്ട്.
https://www.facebook.com/Malayalivartha