പന്തുതട്ടിയും സൈക്കിള് ചവിട്ടിയും വായോളി വീട്ടുമുറ്റത്ത് കളിക്കാന് ഇനി മുഹമ്മദ് ഹാഷിമില്ല.... നിപ കവര്ന്നെടുത്തത് ഏകമകനെ.... നൊമ്പരമായി എട്ടാംക്ലാസുകാരന്റെ വേര്പാട്, കൂട്ടുകാര് നിരീക്ഷണത്തില്
പന്തുതട്ടിയും സൈക്കിള് ചവിട്ടിയും വായോളി വീട്ടുമുറ്റത്ത് കളിക്കാന് ഇനി മുഹമ്മദ് ഹാഷിമില്ല.... നൊമ്പരമായി എട്ടാംക്ലാസുകാരന്റെ വേര്പാട്.സംസ്ഥാനത്ത് നിപയുടെ മൂന്നാം വരവില് കുട്ടിത്തം മാറാത്ത ഹാഷിമിന്റെ ജീവനാണ് കവര്ന്നത്.
ചാത്തമംഗലം ഗ്രാമപഞ്ചായത്ത് ഒമ്പതാം വാര്ഡിലെ പാഴൂര് മുന്നൂര് വായോളി അബൂബക്കര്-വാഹിദ ദമ്പതികളുടെ ഏക മകനെയാണ് അതിതീവ്ര വൈറസായ നിപ തട്ടിയെടുത്തത്.
ഇനി ഈ വീട്ടില് പിതാവും മാതാവും മാത്രം. കൊടിയത്തൂര് പി.ടി.എം ഹയര് സെക്കന്ഡറി സ്കൂളിലെ എട്ടാം ക്ലാസിലാണ് ഹാഷിം പഠിക്കുന്നത്. ഈ വര്ഷം ചേര്ന്ന സ്കൂളിലെ കൂട്ടുകാരെ ഒരുനോക്കുകാണാന്പോലും കഴിയാതെയാണ് ഹാഷിമിന്റെ വിടവാങ്ങല്.
കോവിഡ് കാരണം ക്ലാസുകള് ഓണ്ലൈനിലായതിനാല് മൊബൈല് സ്ക്രീനിലെ ദൃശ്യങ്ങളിലൊതുങ്ങി ഹാഷിമുമായി സഹപാഠികള്ക്കുള്ള പരിചയം.
പാഴൂര് എ.യു.പി സ്കൂളിലാണ് ഏഴാംതരം വരെ ഹാഷിം പഠിച്ചത്. ഓണ്ലൈന് ക്ലാസ് കഴിഞ്ഞാല് സമീപവീടുകളിലെ കുട്ടികളുമായി കളിക്കാനിറങ്ങും. പ്രാഥമിക സമ്പര്ക്കപ്പട്ടികയിലുള്ള ഈ കൂട്ടുകാരെല്ലാം ഇപ്പോള് നിരീക്ഷണത്തിലാണ്.
" f
https://www.facebook.com/Malayalivartha