ഇന്ത്യന്‍ വിപണിയിലെത്തും മുമ്പേ തന്നെ സാംസങ്ങിന്റെ പുതിയ ഹാന്‍ഡ്സെറ്റ് ഗ്യാലക്സി ഫോള്‍ഡ് 3 സ്വന്തമാക്കി മലയാളികളുടെ പ്രിയനടന്‍ മോഹന്‍ലാല്‍. വൈറലായി ചിത്രങ്ങൾ. ഇന്ത്യയില്‍ ഈ മാസം പത്തിന് ഫോള്‍ഡ് 3യുടെ ഔദ്യോഗിക അവതരണം നടക്കാനിരിക്കെയാണ് താരം ഈ ഹാന്‍ഡ്സെറ്റ് സ്വന്തമാക്കിയിരിക്കുന്നത്. ഇന്ത്യയില്‍ നേരത്തെ തന്നെ ഫോള്‍ഡ് 3യുടെ ഫ്രീ ബുക്കിംഗ് ആരംഭിച്ചുകഴിഞ്ഞു. സ്‌നാപ്ഡ്രാഗണ്‍ 888 പ്രോസസര്‍ 12 ജിബി റാം, 512 ജിബി വരെ സ്റ്റോറേജ്. 4400 എംഎഎച്ച്‌ ഡ്യൂവല്‍ ബാറ്ററി തുടങ്ങിയവയാണ് ഫോള്‍ഡ് 3യുടെ മുഖ്യ സവിശേഷതകള്‍ എന്നത്.

അതേസമയം മടക്കാവുന്ന ഫോണുകള്‍ ഇറങ്ങുന്ന കാര്യത്തില്‍ സാംസങ് മറ്റു കമ്പനികളേക്കാള്‍ എന്നും ഒരു പടി മുന്നിൽ തന്നെയാണ്. ഫോള്‍ഡ് 3 5ജി, ഫ്ലിപ് 3 5ജി എന്നീ രണ്ടു മോഡലുകളാണ് രാജ്യാന്തര വിപണിയില്‍ പുറത്തിറക്കിയിട്ടുള്ളത്. വില തുടങ്ങുന്നത് 1800 ഡോളറിലാണെങ്കില്‍ (ഏകദേശം 1.3 ലക്ഷം രൂപ) ഫ്ലിപ് സീരിസിന്റെ തുടക്ക വേരിയന്റ് 1000 ഡോളറിനാണ് വില്‍ക്കുന്നത്.

കൂടാതെ ഫോള്‍ഡ് 3ക്ക് ആന്‍ഡ്രോയ്ഡ് ഫോണുകളിലെ ഏറ്റവും കരുത്തുറ്റ മോഡലുകള്‍ക്കൊപ്പമോ മുന്നിലോ ആണ് സ്ഥാനമെന്ന് ടെക് വിദഗ്ധര്‍ വ്യക്തമാക്കുന്നു. ഫാന്റം ബ്ലാക്ക്, ഫാന്റം ഗ്രീന്‍, ഫാന്റം സില്‍വര്‍, എന്നിങ്ങനെ മൂന്ന് വേരിയന്റുകളിലാണ് ഫോണ്‍ അവതരിപ്പിക്കുന്നത്. ഇതില്‍ ഫാന്റം സില്‍വറാണ് മോഹന്‍ലാല്‍ സ്വന്തമാക്കിയിട്ടുള്ളത്. ഈ കളര്‍ വേരിയന്റിന് ഇന്ത്യയില്‍ ഫ്രീ ബുക്കിങ് ലഭ്യമല്ല.

എന്നാൽ ഫോണ്‍ മടങ്ങിയിരിക്കുമ്പോള്‍ 6.2 ഇഞ്ച് ഡിസ്പ്ലേയും തുറക്കുമ്പോള്‍ 7.6 ഇഞ്ച് വലിപ്പത്തിലുള്ള ഡയനാമിക് അമോലെഡ് ഇന്‍ഫിനിറ്റി ഫ്ലക്സ് ഡിസ്പ്ലേയുമാണ് ഉള്ളത്. പിന്നില്‍ ട്രിപ്പിള്‍ ക്യാമറ സിസ്റ്റമാണ് ഒരുക്കിയിരിക്കുന്നത്. മൂന്ന് 12 എം പി സെന്‍സറുകള്‍. എച്ഡിആര്‍ 10 പ്ലസ് വീഡിയോ റെക്കോര്‍ഡിങ്ങാണ് ഈ ഹാന്‍ഡ്സെറ്റിന്റെ പ്രധാന ഫീച്ചറുകള്‍.