പതിനൊന്ന് വയസുകാരിയെ ലൈംഗികമായി പീഡിപ്പിച്ച കേസില്‍ മധ്യവയസ്കനെ ശ്രീകൃഷ്ണപുരം പൊലീസ്​ അറസ്റ്റ് ചെയ്തു. കുലിക്കിലിയാട് തൊണ്ടിയാംപാടത്തില്‍ വീട്ടില്‍ ഷിജി ജോര്‍ജ് (44) ആണ് പിടിയിലായത്. കുട്ടിയെ കഴിഞ്ഞ ഏപ്രില്‍ 25നും അതിന് മുമ്ബും ഷിജി ജോര്‍ജി​ന്‍റെ വീട്ടില്‍ വെച്ച്‌ പലതവണ പീഡിപ്പിച്ചു എന്നാണ് കേസ്. ചൈല്‍ഡ് ലൈന്‍ വിഭാഗത്തിന്‍റെ നിര്‍ദേശത്തെ തുടര്‍ന്നാണ് നടപടി. ശ്രീകൃഷ്ണപുരം സി. ഐ. കെ.എം. ബിനീഷും സംഘവുമാണ്​ പ്രതിയെ പിടികൂടിയത്​. വ്യാഴാഴ്ച കോടതിയില്‍ ഹാജരാക്കും.