മുക്കത്ത് നിപ പ്രതിരോധ പ്രവര്‍ത്തനങ്ങളുടെ ഭാഗമായി നടത്തി വരുന്ന പരിശോധനയ്ക്കിടയില്‍ പൊലീസ് ഉദ്യോഗസ്ഥനെ വാഹനമിടിച്ചു പരിക്കേല്‍പിച്ചെന്ന കേസില്‍ ഒരാള്‍ പിടിയില്‍. അബ്ദുല്ലയെയാണ് മുക്കം പൊലീസ് കസ്റ്റഡിയിലെടുത്തത്. കൊടിയത്തൂരു നിന്ന് ബൈകില്‍ വരികയായിരുന്ന ഇയാള്‍ പരിശോധന നടത്തുകയായിരുന്ന മുക്കം പൊലീസ് സ്റ്റേഷനിലെ എസ്‌ഐ അബ്ദുര്‍ റഹ്‌മാനെ മനപൂര്‍വം ഇടിച്ച്‌ പരുക്കേല്‍പിച്ചുവെന്നാണ് പരാതി. കൈക്ക് പരിക്കേറ്റ എസ്‌ഐയെ ആശുപത്രിയില്‍ പ്രവേശിപ്പിച്ചെന്ന് മറ്റു ഉദ്യോഗസ്ഥര്‍ പറഞ്ഞു