നര്കോട്ടിക് ജിഹാദ് പരാമര്ശം; പാലാ രൂപതാ ബിഷപ് മാര് ജോസഫ് കല്ലറങ്ങാട്ടിനെതിരെ പരാതി
മുസ്ലിം സമുദായത്തിനെതിരെ വിദ്വേഷ പ്രചാരണം നടത്തിയെന്ന് കാണിച്ച് പാലാ രൂപതാ ബിഷപ് മാര് ജോസഫ് കല്ലറങ്ങാട്ടിനെതിരെ പരാതി. ഡല്ഹി യൂണവേഴ്സിറ്റിയിലെ നിയമ വിദ്യാര്ത്ഥിയും എം.എസ്.എഫ് ഡല്ഹി സ്റ്റേറ്റ് വൈസ് പ്രസിഡന്റുമായ അഫ്സല് യൂസഫാണ് തൃശൂര് സിറ്റി പൊലീസില് പരാതി നല്കിയത്. നര്ക്കോട്ടിക് ജിഹാദ് പരാമര്ശത്തില് ബിഷപ്പിനെതിരെ എസ്.ഐ.ഒ സംസ്ഥാന ജനറല് സെക്രട്ടറി അന്വര് സലാഹുദ്ദീനും നേരത്തെ മുഖ്യമന്ത്രിക്കും ഡി.ജി.പിക്കും പരാതി നല്കിയിരുന്നു.
ചെറുപ്രായത്തില് തന്നെ കത്തോലിക്കാ പെണ്കുട്ടികളെയും യുവാക്കളെയും നര്ക്കോട്ടിക്-ലൗ ജിഹാദികള് ഇരയാക്കുന്നുവെന്നായിരുന്നു പാലാ രൂപതാ ബിഷപ്പിന്റെ പ്രസ്താവന. ഇതിന് സഹായം നല്കുന്ന ഒരു വിഭാഗം കേരളത്തില് പ്രവര്ത്തിക്കുന്നുണ്ട്. ആയുധം ഉപയോഗിക്കാനാകാത്ത സ്ഥലങ്ങളില് ഇത്തരം മാര്ഗങ്ങളാണ് അവര് ഉപയോഗിക്കുന്നതെന്നും ഇക്കാര്യത്തില് കത്തോലിക്കാ കുടുംബങ്ങള് ജാഗ്രത പുലര്ത്തണമെന്നും കുറവിലങ്ങാട് പള്ളിയുടെ യുട്യൂബ് ചാനലിലൂടെ പുറത്തുവിട്ട വീഡിയോയില് ബിഷപ് മുന്നറിയിപ്പ് നല്കുന്നു.
കത്തോലിക്കാ യുവാക്കളെയും ഹൈന്ദവ യുവാക്കളെയും ലക്ഷ്യംവച്ചുകൊണ്ട് മയക്കുമരുന്നിനും മറ്റ് ലഹരിക്കും അടിമയാക്കുന്നതിനുവേണ്ടി പ്രത്യേക സംഘങ്ങള് കേരളത്തില് പലയിടത്തായി പ്രവര്ത്തിക്കുന്നുണ്ട്. ആയുധം ഉപയോഗിച്ച് യുദ്ധംചെയ്യാനാവാത്ത സ്ഥലങ്ങളില് ഇത്തരത്തിലുള്ള കുതന്ത്രങ്ങളിലൂടെ മറ്റു മതങ്ങളെ നശിപ്പിക്കുക എന്ന ലക്ഷ്യമാണ് ഇക്കൂട്ടര്ക്കുള്ളത്. ഏറ്റവും പ്രധാനപ്പെട്ടതും ശ്രദ്ധിക്കേണ്ടതുമായ രണ്ടു കാര്യങ്ങളാണ് ലൗ ജിഹാദും നര്ക്കോട്ടിക് ജിഹാദും. കേരളം തീവ്രവാദികളുടെ റിക്രൂട്ടിംഗ് കേന്ദ്രമായി മാറുന്നതായും തീവ്രവാദികളുടെ സ്ലീപ്പിംഗ് സെല്ലുകള് ഇവിടെയുണ്ടെന്ന് മുന് ഡി.ജി.പി പറഞ്ഞിട്ടുണ്ടെന്നും അദ്ദേഹം പറഞ്ഞിരുന്നു.
ലോകത്തില് നീതിയും സമാധാനവും ഇസ്ലാം മതവും സ്ഥാപിക്കാന് യുദ്ധവും സമരവുമൊക്കെ ചെയ്യണമെന്ന തീവ്രവാദമാണ് ചുരുക്കം ചില ഗ്രൂപ്പുകള് ഉയര്ത്തുന്നത്. വര്ഗീയതയും വിദ്വേഷവും വെറുപ്പും മതസ്പര്ദ്ധയും അസഹിഷ്ണുതയും വളര്ത്താന് ശ്രമിക്കുന്ന ജിഹാദി തീവ്രവാദികള് ലോകമെമ്ബാടും ഉണ്ട്. ലൗവ് ജിഹാദില്ലെന്ന് സ്ഥാപിക്കാന് ശ്രമിക്കുന്നത് കണ്ണടച്ച് ഇരുട്ടാക്കുന്നതിന് തുല്യമാണ്. ഇത്തരക്കാര്ക്ക് നിക്ഷിപ്ത താത്പര്യമുണ്ട്. മുസ്ലീം ആശയങ്ങള് അടിച്ചേല്പ്പിക്കാന് പല തരത്തില് ശ്രമം നടക്കുന്ന അവസ്ഥ നിലവിലുണ്ട്. ഹലാല് വിവാദമൊക്കെ ഇതിന്റെ ഭാഗമാണെന്നും ബിഷപ്പ് അഭിപ്രായപ്പെട്ടിരുന്നു.
https://www.facebook.com/Malayalivartha
