സ്ലീപ്പര് ഉള്‍പ്പെടെ നൂറ് ആധുനിക ബസുകള്‍ പുറത്തിറക്കാനൊരുങ്ങി കെ.എസ്.ആര്‍.ടി.സി... കേരളപ്പിറവിദിനത്തില്‍ ആദ്യഘട്ടത്തിലുള്ള ബസുകള്‍ പുറത്തിറക്കാന്‍ ശ്രമം....
സ്ലീപ്പര് ഉള്‍പ്പെടെ നൂറ് ആധുനിക ബസുകള്‍ കെ.എസ്.ആര്‍.ടി.സി. പുറത്തിറക്കുന്നു. 44.64 കോടിരൂപയാണ് ഇതിനായി ചെലവഴിക്കുന്നത്. കേരളപ്പിറവിദിനത്തില്‍ ആദ്യഘട്ടത്തിലുള്ള ബസുകള്‍ പുറത്തിറക്കാനാണ് ശ്രമിക്കുന്നത്.
കെ.എസ്.ആര്‍.ടി.സി. യുടെ ഇപ്പോഴത്തെ ദീര്‍ഘദൂരസര്‍വീസുകള്‍ 12 വോള്‍വോ, 17 സ്‌കാനിയ, 135 സൂപ്പര്‍ ഡീലക്‌സ്, 53 എക്‌സ്പ്രസ്സ് ബസുകള്‍ എന്നിങ്ങനെയാണ്
.
സ്ലീപ്പര്, സെമിസ്ലീപ്പര്‍, എയര്‍ സസ്‌പെന്‍ഷന്‍ നോണ്‍ എ.സി. തുടങ്ങിയവയിലെ ആധുനിക ബസുകളാണ് ഇനി എത്തുന്നത്. എട്ടു സ്ലീപ്പര്, 20 സെമി സ്ലീപ്പര്, 72 എയര്‍ സസ്‌പെന്‍ഷന്‍ നോണ്‍ എ.സി. ബസുകളാണു വാങ്ങുന്നത്.
ഫെബ്രുവരിയോടെ മുഴുവന്‍ ബസുകളും ഇറക്കാനാകുമെന്നാണു പ്രതീക്ഷ. കേരളത്തിന് സ്ലീപ്പര് ബസുകള്‍ ഇല്ലെന്ന പോരായ്മ ഇതോടെ പരിഹരിക്കപ്പെടും. തമിഴ്‌നാടിന് 140, കര്‍ണ്ണാടകയ്ക്ക് 82 എന്നീപ്രകാരമാണ് സ്ലീപ്പര് ബസ്സുകളുള്ളത്.
വോള്‍വോ ബസുകള്‍ ബോഡിസഹിതം കമ്പനി നിര്‍മിച്ചുനല്‍കും. മികച്ച യാത്രാസൗകര്യത്തോടൊപ്പം മൊബൈല്‍ ചാര്‍ജിങ് പോയിന്റ്, കൂടുതല്‍ ലഗേജ് സ്‌പെയ്‌സ്, വൈഫെ തുടങ്ങിയവും ഈ ബസുകളിലുണ്ടാകും.
"
https://www.facebook.com/Malayalivartha
