എക്സൈസ് വാഹനം ആക്രമിച്ച് കാട്ടന, ഉദ്യോഗസ്ഥര്‍ രക്ഷപ്പെട്ടത് തലനാരിഴയ്ക്ക്; പരിക്കേറ്റവര്‍ വയനാട് മെഡിക്കല്‍ കോളേജ് ആശുപത്രിയില്‍ ചികിത്സയില്‍
എക്സൈസ് സംഘത്തിന്റെ വാഹനം ആക്രമിച്ച് കാട്ടാന. തോല്‍പ്പെട്ടിയില്‍ ഇന്നലെ രാത്രിയോടെയായിരുന്നു സംഭവം. കാട്ടാനയുടെ ആക്രമണത്തില്‍ ഉദ്യോഗസ്ഥര്‍ക്ക് പരിക്കേറ്റു. മാനന്തവാടി എക്സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫിസര്‍ അജയ് കുമാറിനും സംഘവും സഞ്ചരിച്ച വാഹനമാണ് കാട്ടാന ആക്രമിച്ചത്.
തിരുനെല്ലി തെറ്റ് റോഡിന് സമീപത്തുവെച്ചായിരുന്നു സംഘം കാട്ടാനയുടെ മുമ്പില്‍ വാഹനം പെട്ടത്. മറ്റൊരു വാഹനത്തിന് സൈഡ് നല്‍കുന്നതിനിടെ വനത്തിനുള്ളില്‍ നിന്നും എത്തിയ ആന ആക്രമിക്കുകയായിരുന്നു.
മുന്‍ഭാഗത്ത് കൊമ്പ് കുത്തിയിറക്കി കോര്‍ത്ത ശേഷം ആന വാഹനം മറിച്ചിടാന്‍ ശ്രമിക്കുകയായിരുന്നു. എന്നാല്‍ ഉദ്യോഗസ്ഥര്‍ ബഹളം വെച്ചപ്പോള്‍ ആന വാഹനം കൊമ്പ് ഊരിയെടുത്തു. ഈ സമയം കൊണ്ട് വേഗത്തില്‍ വാഹനവുമായി രക്ഷപ്പെടുകയായിരുന്നു.
നിസാര പരിക്കുകളോടെ രക്ഷപ്പെട്ട ഉദ്യോഗസ്ഥര്‍ വയനാട് മെഡിക്കല്‍ കോളേജ് ആശുപത്രിയില്‍ ചികിത്സ തേടിയിരിക്കുകയാണ്. ആരുടെയും നില ഗുരുതരമല്ല.
https://www.facebook.com/Malayalivartha
