കുളിമുറിയിലെ ബക്കറ്റിലെ വെള്ളത്തില് വീണ് ഒന്നര വയസുകാരി മരിച്ചു
കുളിമുറിയില് വെള്ളം നിറച്ചുവച്ച ബക്കറ്റിനുള്ളില് വീണ് ഒന്നര വയസുകാരി മരിച്ചു. സൗത്ത് കളമശേരി സ്റ്റേഷനിലെ പോലീസ് ഉദ്യോഗസ്ഥനായ പാനായിക്കുളം പുലിമുറ്റത്ത് പള്ളത്ത് മഹേഷിന്റെ മകള് മീനാക്ഷിയാണ് മരിച്ചത്. ഞായറാഴ്ച വൈകുന്നേരം മൂന്നിന് കുഞ്ഞിന്റെ അമ്മ സോനയുടെ കരുമാലൂര് മനയ്ക്കപ്പടിയിലെ വീട്ടില് വച്ചായിരുന്നു സംഭവം. വീടിനുള്ളില് കളിച്ചു കൊണ്ടിരുന്ന കുട്ടിയെ കാണാത്തതിനെ തുടര്ന്ന് നടത്തിയ അന്വേഷണത്തില് കുളിമുറിയിലെ ബക്കറ്റില് മുങ്ങികിടക്കുന്ന നിലയില് കണ്ടെത്തുകയായിരുന്നു. ഉടന് പറവൂരിലെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല.
https://www.facebook.com/Malayalivartha