ഭാര്യ ഭർത്താക്കന്മാർ എന്ന വ്യാജ്യേന കഞ്ചാവ് കടത്തൽ. തന്ത്രപൂർവ്വമായുള്ള ഇടപെടലിൽ യുവതിയും യുവാവിനെയും പിടികൂടിയതോടെ പുറത്തു വന്നത് ഞെട്ടിക്കുന്ന വാർത്തകൾ. വാടകക്കെടുത്ത കാറുകളില്‍ പൊലീസിനോ എക്​സൈസിനോ സംശയത്തിന് അവസരം നല്‍കാതെ ഭാര്യ ഭര്‍ത്താക്കന്‍മാരെപോലെ യാത്രകൾ കാറില്‍ അഡ്വക്കേറ്റിന്റെ എംബ്ലം പതിച്ചിരുന്നതിനാല്‍ ആര്‍ക്കും സംശയവുമില്ല.

കോഴിക്കോട്​, വയനാട്​ ജില്ലകളില്‍ കഞ്ചാവ്​ വിതരണം നടത്തിയിരുന്ന ഇരുവരും​ കഴിഞ്ഞ മാസം 30 ന്​ കുന്ദമംഗഗലത്തായിരുന്നു അറസ്റ്റിലായത്​. തൃ​ശൂ​ര്‍ പൂ​ങ്കു​ന്നം മാ​ളി​യേ​ക്ക​ല്‍ വീ​ട്ടി​ല്‍ ലീ​ന ജോ​സ്​ (42), പ​ട്ടാ​മ്ബി തി​രു​വേ​ഗ​പു​റം പൂ​വ​ന്‍​ത​ല വീ​ട്ടി​ല്‍ സ​ന​ല്‍ (36) എ​ന്നി​വ​രെയാ​ണ് അന്ന്​ പിടികൂടിയത്​. ഇവരുടെ ഫോണ്‍ വിളികളും മറ്റും പരിശോധിച്ച്‌​ ചോദ്യം ചെയ്​തതില്‍ നിന്നാണ്​ കഞ്ചാവ്​ കടത്ത്​ ഇടപാടിനെ സംബന്ധിച്ച പുതിയ വിവരങ്ങള്‍ ലഭിച്ചത്​.

ചേവരമ്പലത്ത് രണ്ടു മാസമായി വാടക വീടെടുത്ത്​ താമസിക്കുകയായിരുന്നു ലീന ജോസും സനലും. തൃശൂരിലെ ബ്യൂട്ടീഷനായി ജോലി ചെയ്തിരുന്ന ലീന അവിടെ വെച്ചായിരുന്നു​ ബേക്കറി ജീവനക്കാരനായ സനലിനെ പരിചയപ്പെട്ടത്​. തൃശൂരില്‍ നിന്നെത്തിക്കുന്ന കഞ്ചാവ്​ കോഴിക്കോട്​, വയനാട്​ ജില്ലകളില്‍ ഇവര്‍ വിതരണം നടത്തുകയായിരുന്നു.

രണ്ടു മാസത്തിനിടെ മൂന്നു തവണയായി 90 കിലോ കഞ്ചാവാണ് ഇവര്‍ വിതരണം ചെയ്യുന്നത്. പിടിയിലാകു​ന്ന സമയത്ത് 19 കിലോ കഞ്ചാവാണ്​ ഇവരുടെ കാറിലുണ്ടായിരുന്നത്​. ലോക്​ഡൗണ്‍ കാലത്ത്​ തൊഴില്‍ നഷ്​ടപ്പെട്ടതോടെ കഞ്ചാവ്​ കടത്താൻ തുടങ്ങിയതെന്നാണ് ഇരുവരും പൊലീസിന് നൽകിയ മൊഴിയിലുള്ളത്. ഇവരുടെ ഫോണ്‍ വിളികള്‍ പരിശോധിച്ചതില്‍ നിന്ന്​ സ്വര്‍ണകടത്ത്​ സംഘങ്ങളുമായി ബന്ധമുള്ളതായി കണ്ടെത്തിയിട്ടുണ്ട്​. ഇതര സംസ്ഥാനങ്ങളില്‍ നിന്നടക്കം നികുതിയടക്കാതെ സ്വര്‍ണാഭരണങ്ങള്‍ കടത്തുന്ന സംഘങ്ങളുമായും ഇവര്‍ക്ക്​ ബന്ധമുണ്ട്​.

കോഴിക്കോടുള്ള ഒരു പ്രധാന ലഹരി ഇടപാടുകാരനുമായി 40 കിലോയുടെ കഞ്ചാവ്​ ഇടപാട്​ ഇവര്‍ നടത്തിയിട്ടുണ്ടെന്ന് പൊലീസ് കണ്ടെത്തി. കഞ്ചാവ്​ ഇടപാടുകള്‍ക്ക്​ ശേഷം ഈ ഇടപാടുകാരന്‍ ലീന ജോസുമായി ശാരീരിക ബന്ധത്തിന്​ സമീപിച്ചത്​ സനല്‍ ചോദ്യം ചെയ്യുകയും അത്​ പ്രതികാരത്തിന്​ കാരണമാകുകയും ചെയ്തെന്നാണ്​ പൊലീസിനോട്​ ഇവര്‍ പറഞ്ഞത്​. ആ സംഭവത്തോടെ ലീനയോടും സനലിനോടും ശത്രുതയുണ്ടായ ആ ലഹരി ഇടപാടുകാരന്‍ തന്നെയാണ്​ പൊലീസിന്​ വിവരം കൈമാറിയതെന്നാണ്​ ലഭിക്കുന്ന വിവരം.