ഷൂട്ടിങ് നടന്ന ഫോര്ട്ട്കൊച്ചിയിലും അതിക്രമം നടന്ന കാരവാനിലും എത്തിച്ച് ഇന്നലെ തെളിവെടുപ്പ് പൂര്ത്തിയാക്കി; അതിക്രമത്തിനു പിന്നാലെ രഞ്ജിത്ത് യുവനടിയെ വിളിച്ചിരുന്നകായി ഫോണ് രേഖകള്
യുവ നടിയുടെ പരാതിയില് സംവിധായകന് രഞ്ജിത്തിനെ ഷൂട്ടിങ് നടന്ന ഫോര്ട്ട്കൊച്ചിയിലും അതിക്രമം നടന്ന കാരവാനിലും എത്തിച്ച് ഇന്നലെ തെളിവെടുപ്പ് പൂര്ത്തിയാക്കി. അതിക്രമത്തിനു പിന്നാലെ രഞ്ജിത്ത് യുവനടിയെ ഫോണില് വിളിച്ചെന്ന് പൊലീസ് കണ്ടെത്തി. എന്നാല് നടി ഫോണ് എടുത്തില്ല. ഡിജിറ്റല് രേഖകള് ശേഖരിച്ച ശേഷം രഞ്ജിത്തിനെ വീണ്ടും കസ്റ്റഡിയില് ആവശ്യപ്പെടുമെന്ന് എറണാകുളം സിറ്റി പൊലിസ് കമ്മിഷണര് കാളിരാജ് മഹേഷ് കുമാര് വ്യക്തമാക്കി. അതിക്രമം നടന്നതായി പരാതിയില് പറയുന്ന കാരവാനില് അടക്കമാണ് തെളിവെടുപ്പ് പൂര്ത്തിയാക്കി രഞ്ജിത്തിനെ ഇന്നലെ വീണ്ടും റിമാന്ഡ് ചെയ്തത്. രഞ്ജിത്തിന്റെ ജാമ്യാപേക്ഷ നാളെ പരിഗണിക്കുമെന്നാണ് കരുതുന്നത്.
രഞ്ജിത്തിനെ കൂടുതല് ചോദ്യം ചെയ്യേണ്ടതുണ്ടെന്നും സംഭവത്തെക്കുറിച്ച് സെറ്റില് ഉണ്ടായിരുന്ന ചിലര്ക്ക് അറിയാമായിരുന്നുവെന്നും കമ്മിഷണര് പറഞ്ഞു. രഞ്ജിത്ത് ഒളിവില് പോകാന് ശ്രമിച്ചതിനെ കുറിച്ച് വിശദമായ അന്വേഷണം നടത്തുമെന്നും കമ്മിഷണര് വ്യക്തമാക്കി. അതോടൊപ്പം, പരാതി നല്കിയ അതിജീവിതയുടെ പേരുവിവരങ്ങള് വെളിപ്പെടുത്തുന്ന രീതിയില് വിഡിയോ ചിത്രീകരണം നടത്തിയ ഒരാളെ അറസ്റ്റ് ചെയ്തെന്നും കമ്മിഷണര് പറഞ്ഞു.
സംഭവത്തിനുശേഷം രഞ്ജിത്ത് അന്നുതന്നെ യുവനടിയെ ഫോണില് ബന്ധപ്പെട്ടിരുന്നുവെന്ന് കേസന്വേഷണത്തിന്റെ ചുമതല വഹിക്കുന്ന ഡിസിപി അശ്വതി ജിജി പറഞ്ഞു. എന്നാല് അവര് ഫോണ് എടുത്തില്ല. രഞ്ജിത്ത് നടിയെ ഭീഷണിപ്പെടുത്തിയതായി പരാതിയില്ലെന്നും അവര് പറഞ്ഞു. രഞ്ജിത്തിന്റെ ഫോണ് കസ്റ്റഡിയിലെടുത്തിട്ടുണ്ട്. എന്നാല് സിസിടിവി ദൃശ്യങ്ങള് ലഭിച്ചിട്ടില്ല. സെറ്റില് ഉണ്ടായിരുന്നവരുടെ മൊഴി രേഖപ്പെടുത്തുന്നത് തുടരുകയാണെന്നും ഡിസിപി വ്യക്തമാക്കി. യുവനടി പരാതി നല്കാന് വൈകിയതില് അസ്വാഭാവികത ഇല്ലെന്നും അവര് പറഞ്ഞു.
https://www.facebook.com/Malayalivartha
