ആലുവ സിഐ സി.എല്‍. സുധീറിനെതിരെ നരഹത്യക്ക് കേസെടുക്കണമെന്ന് മോഫിയയുടെ പിതാവ് ദില്‍ഷാദ്. നടപടിയെടുത്തതിന് എല്ലാവര്‍ക്കും നന്ദിയെന്നും ദില്‍ഷാദ് പറഞ്ഞു. സുധീറിനെ സസ്‌പെന്‍ഡ് ചെയ്ത വാര്‍ത്തയോട് പ്രതികരിക്കുകയായിരുന്നു അദ്ദേഹം.

സുധീറിനെതിരെ വകുപ്പുതല അന്വേഷണവും പ്രഖ്യാപിച്ചിട്ടുണ്ട്. കൊച്ചി ഈസ്റ്റ് ട്രാഫിക് അസിസ്റ്റന്റ് കമ്മീഷണറാണ് അന്വേഷിക്കുക. സിഐയ്‌ക്കെതിരെ നടപടി ഉണ്ടാകുമെന്ന് മോഫിയയുടെ കുടുംബത്തിന് മുഖ്യമന്ത്രി ഉറപ്പ് നല്‍കിയിരുന്നു.



അതേസമയം നവവധുവായ നിയമവിദ്യാര്‍ഥിനി മോഫിയ പര്‍വീണ്‍ ആത്മഹത്യ ചെയ്ത സംഭവത്തില്‍ ആരോപണവിധേയനായ ആലുവ സിഐ സി.എല്‍. സുധീറിനെ സസ്‌പെന്‍ഡ് ചെയ്തു. ഇയാള്‍ക്കെതിരെ വകുപ്പുതല അന്വേഷണവും പ്രഖ്യാപിച്ചു.

കൊച്ചി ഈസ്റ്റ് ട്രാഫിക് അസിസ്റ്റന്റ് കമ്മീഷണറാണ് അന്വേഷിക്കുക. സിഐയ്‌ക്കെതിരെ നടപടി ഉണ്ടാകുമെന്ന് മോഫിയയുടെ കുടുംബത്തിന് മുഖ്യമന്ത്രി ഉറപ്പ് നല്‍കിയിരുന്നു ഭര്‍തൃവീട്ടിലെ പീഡനം സംബന്ധിച്ചു മോഫിയ നല്‍കിയ പരാതിയില്‍ കേസെടുക്കാന്‍ വൈകിയതിനു പുറമെ ഒത്തുതീര്‍പ്പിനു പോലീസ് സ്റ്റേഷനിലേക്കു വിളിപ്പിച്ച് ഇരയെ അവഹേളിച്ചെന്നുമാണ് സിഐക്കെതിരേയുള്ള ആരോപണം. കഴിഞ്ഞ തിങ്കളാഴ്ച സ്റ്റേഷനില്‍നിന്നു വീട്ടിലെത്തിയ ഉടന്‍ മോഫിയ ജീവനൊടുക്കുകയായിരുന്നു.