കോവിഡിന്‍റെ പുതിയ വകഭേദം കണ്ടെത്തിയതിനെ തുടർന്ന് പടരുന്നത്​ തടയാൻ നടപടി ശക്​തമാക്കി ഗൾഫ്​ രാജ്യങ്ങളും രംഗത്ത് എത്തിയിരിക്കുകയാണ്. ദക്ഷിണാഫ്രിക്കക്കു പിന്നാലെ ഇസ്രായേലിലും പുതിയ വകഭേദം കണ്ടെത്തിയ സാഹചര്യത്തിൽ യാത്രാവിലക്ക്​ ഉൾപ്പെടെയുള്ള മുൻകരുതൽ നടപടി സ്വീകരിക്കാനുള്ള തയാറെടുപ്പിലാണ്​ ജി.സി.സി രാജ്യങ്ങളിലെ അധികൃതർ ഏവരും. പ്രധാന ആഫ്രിക്കൻ രാജ്യങ്ങളിലേക്കുള്ള വിമാന സർവീസുകൾക്ക്​ സൗദി അറേബ്യയും ബഹ്​റൈനും യുഎഇയും താൽക്കാലിക വിലക്കേർപ്പെടുത്തിയിരിക്കുകയാണ്.

ദ​ക്ഷി​ണ ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍​നി​ന്നു​ള്ള​വ​ര്‍​ക്ക്​ വി​വി​ധ രാ​ജ്യ​ങ്ങ​ള്‍ യാ​ത്രാ​വി​ല​ക്ക്​ പ്ര​ഖ്യാ​പി​ച്ച സാ​ഹ​ച​ര്യ​ത്തി​ല്‍ യാ​ത്ര​ക്കു​മു​മ്പ്​ നി​യ​ന്ത്ര​ണ​ങ്ങ​ള്‍ പ​രി​ശോ​ധി​ക്ക​ണ​മെ​ന്ന നിർദ്ദേശവുമായി എ​മി​റേ​റ്റ്​​സ്​ എ​യ​ര്‍​ലൈ​ന്‍ രംഗത്ത്. പു​തി​യ ​കോ​വി​ഡ്​ വ​ക​ഭേ​ദം ക​ണ്ടെ​ത്തി​യ പ​ശ്​​ചാ​ത്ത​ല​ത്തി​ലാ​ണ്​ വി​വി​ധ രാ​ജ്യ​ങ്ങ​ള്‍ യാ​ത്രാ​വി​ല​ക്ക്​ ഏ​ര്‍​പ്പെ​ടു​ത്തി​യിരിക്കുന്നത്. സിം​ഗ​പ്പൂ​ര്‍, ബ്രി​ട്ട​ന്‍ എ​ന്നീ രാ​ജ്യ​ങ്ങ​ള്‍ പ്ര​ഖ്യാ​പി​ച്ച നി​യ​ന്ത്ര​ണ​ങ്ങ​ളെ തു​ട​ര്‍​ന്നാ​ണ്​ എ​മി​റേ​റ്റ്​​സ്​ വെ​ബ്​​സൈ​റ്റി​ല്‍ നി​ര്‍​ദേ​ശം വ​ന്ന​ത്. നി​യ​ന്ത്ര​ണ​ങ്ങ​ള്‍ ബാ​ധ​ക​മാ​കു​ന്ന യാ​ത്ര​ക്കാ​ര്‍ റീ​ബു​ക്കി​ങ്​ അ​ട​ക്ക​മു​ള്ള ഓ​പ്ഷ​നു​ക​ള്‍​ക്കാ​യി അ​ത​ത് ട്രാ​വ​ല്‍ ഏ​ജ​ന്‍​റു​മാ​രു​മാ​യോ എ​മി​റേ​റ്റ്സ് കാ​ള്‍ സെന്‍റ​റു​മാ​യോ ബ​ന്ധ​പ്പെ​ട​ണ​മെ​ന്ന്​ അ​റി​യി​പ്പി​ല്‍ എടുത്തുപറയുകയാണ്.

അതേസമയം യുഎഇ ഏഴു ആഫ്രിക്കൻ രാജ്യങ്ങൾക്കാണ് വിലക്കേർപ്പെടുത്തിയിരിക്കുന്നത്. ദക്ഷിണാഫ്രിക്ക, നമീബിയ, ബോട്സ്വാന, ലെസോത്തോ, എസ്വാട്ടീനി, സിംബാബ്‌വെ, മൊസംബിക് എന്നീ രാജ്യങ്ങളിൽ നിന്നുള്ള എല്ലാ വിമാനങ്ങൾക്കും നിരോധനം ഏർപ്പെടുത്തിയിട്ടുണ്ട്. അതോടൊപ്പം തന്നെ ആഫ്രിക്കൻ രാജ്യങ്ങളിലേക്കുള്ള വിമാനങ്ങൾക്ക് യുഎഇ നിലവിൽ വിലക്കേർപ്പെടുത്തിയിട്ടില്ല. എന്നാൽ, പൗരന്മാർക്ക് ആരോഗ്യ മുന്നറിയിപ്പ് നൽകിയിരിക്കുകയാണ്. നവംബർ 29 തിങ്കൾ മുതൽ നിരോധനം നിലവിൽ വരുമെന്ന് അധികൃതർ അറിയിക്കുകയുണ്ടായി. ഈ ആഫ്രിക്കൻ രാജ്യങ്ങളിലേക്കുള്ള വിമാന സർവീസുകൾക്ക് സൗദി അറേബ്യയും ബഹ്റൈനും നേരത്തെ തന്നെ വി​ലക്ക് ഏർപ്പെടുത്തിയിരുന്നു.