ശബരിമലയെ അപമാനിക്കാന് കൂട്ടുനിന്ന സര്ക്കാരും പാര്ട്ടിയും മറുഭാഗത്ത് മുസ്ലിം ഭീകരവാദത്തെ പ്രോത്സാഹിപ്പിക്കുകയാണ്; ആര്എസ്എസ് സഞ്ജിത്തിന്റെ കൊലപാതകത്തിൽ പ്രതികളെ പിടികൂടാന് തയ്യാറാകാത്തതിന് പിന്നില് ഭരണകൂടവും കൊലപാതകികളും തമ്മിലുള്ള ഒത്തുകളി; സിപിഎം കേരളത്തില് നടത്തുന്നത് മാഫിയാ പ്രവര്ത്തനമാണെന്ന് ബിജെപി തമിഴ്നാട് സംസ്ഥാന അദ്ധ്യക്ഷന് അണ്ണാമലൈ കുപ്പുസ്വാമി ഐപിഎസ്
സിപിഎം കേരളത്തില് നടത്തുന്നത് മാഫിയാ പ്രവര്ത്തനമാണെന്ന് ബിജെപി തമിഴ്നാട് സംസ്ഥാന അദ്ധ്യക്ഷന് അണ്ണാമലൈ കുപ്പുസ്വാമി ഐപിഎസ്. യുവമോര്ച്ച സംസ്ഥാന ഉപാധ്യക്ഷനായിരുന്ന കെ.ടി. ജയകൃഷ്ണന് മാസ്റ്റര് ബലിദാന ദിനത്തോടനുബന്ധിച്ച് യുവമോര്ച്ച ജില്ലാ കമ്മറ്റിയുടെ നേതൃത്വത്തില് തലശ്ശേരിയില് നടന്ന മഹാറാലിയും പൊതുസമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കാലങ്ങളായി സംസ്ഥാനത്താകമാനം സിപിഎം നടത്തുന്ന തട്ടിപ്പും വെട്ടിപ്പും കൊലപാതകവും അക്രമവും ഇതാണ് വ്യക്തമാക്കുന്നത്.
പാര്ട്ടിക്കാര് നടത്തുന്ന ഇത്തരം അതിക്രമങ്ങളുമായി ബന്ധപ്പെട്ട കേസുകള് കാലാകാലങ്ങളില് അട്ടിമറിക്കപ്പെടുകയാണ്. ഇത്തരം മാഫിയാ പ്രവര്ത്തനത്തിന് തെളിവാണ് ജയകൃഷ്ണന് മാസ്റ്റര് കൊലക്കേസിലെ പ്രതികളെ കോടികള് ചിലവഴിച്ച് തെറ്റായ മാര്ഗ്ഗത്തിലൂടെ രക്ഷിച്ചതും ജയകൃഷ്ണന് മാസ്റ്ററെ കൊലപ്പെടുത്തുന്നതിന് നേതൃത്വം നല്കിയ പ്രതിയെ ഇതേ സ്കൂളിലെ രക്ഷാകര്ത്തൃസമിതി പ്രസിഡന്റാക്കിയതും. പാര്ട്ടി നേതൃത്വത്തിന്റെ അറിവോടെ ഭരണതണലില് സിപിഎം അതിക്രമം സംസ്ഥാനത്ത് നിര്ബാധം തുടരുകയാണ്. സംസ്ഥാന ഭരണകൂടവും സിപിഎം നേതൃത്വവും സംസ്ഥാനത്തെ മുസ്ലിം ഭീകരവാദത്തെ പ്രോത്സാഹിപ്പിക്കുകയാണ്.
ശബരിമലയെ അപമാനിക്കാന് കൂട്ടുനിന്ന സര്ക്കാരും പാര്ട്ടിയും മറുഭാഗത്ത് മുസ്ലിം ഭീകരവാദത്തെ പ്രോത്സാഹിപ്പിക്കുകയാണ്. ഹലാലിനെ അനുകൂലിക്കുന്ന സര്ക്കാര് നിലപാട് അത്യന്തം അപലപനീയമാണ്. പാലക്കാട് ഇസ്ലാം ഭീകരവാദികള് കൊലപ്പെടുത്തിയ ആര്എസ്എസ് സഞ്ജിത്തിന്റെ കൊലപാതകത്തിലെ പ്രതികളെ പിടികൂടാന് തയ്യാറാകാത്തതിന് പിന്നില് ഭരണകൂടവും കൊലപാതകികളും തമ്മിലുള്ള ഒത്തുകളിയാണ്. കേരളത്തിലെ ഒരു വിഭാഗം മാധ്യമങ്ങള് ഭരണകൂടത്തിന് ഓശാനപാടുകയാണ്.
ന്യൂനപക്ഷ പ്രീണനം നടത്തുന്ന സര്ക്കാര് കേരളത്തിലെ ഹൈന്ദവ സമൂഹത്തെ ഭിന്നിപ്പിച്ച് ഭരിക്കുകയാണ്. ലൗ ജിഹാദിന് അനുകൂല നിലപാടാണ് കേരള സര്ക്കാര് സ്വീകരിക്കുന്നത്. സര്വ്വമേഖലയിലും സംസ്ഥാനത്ത് അഴിമതി നടമാടുകയാണ്. എല്ലാ വിഷയത്തിലും പ്രതിപക്ഷവും സിപിഎമ്മും പരസ്പരം ഭായിഭായി കളിക്കുകയാണ്. പെരിയയിലെ ഇരട്ട കൊല പാതകം മറന്ന് കോണ്ഗ്രസ് സിപിഎമ്മുമായി കൂട്ടുകൂടുകയാണ്. ത്രിപുരയിലെ മാണിക് സര്ക്കാരിനുണ്ടായ ഗതി കേരളത്തിലെ പിണറായി സര്ക്കാരിനുമുണ്ടാവും. കേരളവും മാറി ചിന്തിക്കും. തമിഴ്നാട് മുഖ്യമന്ത്രിയും കേരള മുഖ്യമന്ത്രിയും മുല്ലപെരിയാര് വിഷയത്തില് നാടകം കളിക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha
