ഫാന്‍സ് ഷോ കാണാന്‍ താരവും.... മോഹന്‍ലാലും ഭാര്യ സുചിത്രാ മോഹന്‍ലാലും നിര്‍മ്മാതാവ് ആന്റണി പെരുമ്പാവൂരും ആരാധകരുടെ മനസ്സ് അനുഭവിച്ചറിയാന്‍ തിയേറ്ററില്‍ നേരിട്ടെത്തി, വമ്പന്‍ ആഘോഷത്തോടെ  മരയ്ക്കാറെ ഏറ്റെടുത്ത് ഫാന്‍സുകാര്‍..... 

മലയാള സിനിമയുടെ ചരിത്രം തിരുത്തുകയാണ് മോഹന്‍ലാല്‍ ചിത്രം 'മരക്കാര്‍ അറബിക്കടലിന്റെ സിംഹം' . 100 കോടി ക്ലബ്ബില്‍ കടന്നു കയറി മരയ്ക്കാര്‍ അതിവേഗം മലയാളത്തിലെ കളക്ഷന്‍ റിക്കോര്‍ഡുകളെ തകര്‍ത്തെറിയും.

100 കോടിയോളം മുതല്‍ മുടക്കില്‍ രണ്ടു കൊല്ലം കൊണ്ട് പൂര്‍ത്തിയായ ചിത്രം ലാഭം ഉറപ്പിക്കുകയാണ്. അതിഗംഭീരമെന്നാണ് ഫാന്‍സുകാര്‍ ചിത്രത്തെ വിലയിരുത്തുന്നത്. മരയ്ക്കാര്‍ ആവേശത്തില്‍ കേരളത്തിലെ തിയേറ്ററുകളില്‍ സിനിമ പ്രേമികള്‍ തിങ്ങി നിറഞ്ഞു.


ആദ്യ ഷോ കാണാനായി മാഹന്‍ലാലും കൊച്ചി സരിത സവിത സംഗീത തിയേറ്ററിലെത്തി. മറ്റ് തിയേറ്ററുകളില്‍ 12.01ന് മരയ്ക്കാര്‍ അറബിക്കടലിന്റെ സിംഹത്തിന്റെ ആദ്യ പ്രദര്‍ശനം തുടങ്ങി. സരിതയില്‍ മാത്രം പ്രദര്‍ശനം പന്ത്രണ്ടരയോടെയാണ് തുടങ്ങിയത്. ചിലയിടങ്ങളില്‍ രാവിലെ ഏഴുമണിക്കാണ് ആദ്യപ്രദര്‍ശനം.


പ്രദര്‍ശനം 4100 സ്‌ക്രീനുകളിലാണ്. ആരാധകര്‍ക്ക് ഊര്‍ജം പകര്‍ന്ന് സിനിമയുടെ നിര്‍മ്മാതാവ് ആന്റണി പെരുമ്പാവൂര്‍, നടന്മാരായ സിദ്ദിഖ്, ഉണ്ണി മുകുന്ദന്‍, ഹണിറോസ് തുടങ്ങി നിരവധി താരങ്ങളും കൊച്ചി സരിത തിയേറ്ററില്‍ എത്തി.

കോവിഡ് ആദ്യ തരംഗത്തിന് ശേഷം തിയേറ്റര്‍ തുറന്നപ്പോള്‍ വീണ്ടും റിലീസിന് തയ്യാറെടുത്തു. അപ്പോഴും നടന്നില്ല. പിന്നീട് ഒടിടി ചര്‍ച്ചകള്‍. പ്രിവ്യൂ ഷോ കണ്ട മോഹന്‍ലാല്‍ ചിത്രം തിയേറ്ററില്‍ എത്തണമെന്ന് നിര്‍ബന്ധം പിടിച്ചപ്പോള്‍ സിനിമാ മന്ത്രി അടക്കം തിയേറ്ററുടമകളുമായി ചര്‍ച്ച നടത്തിയതോടെയാണ് സൂപ്പര്‍താര ചിത്രം തിയേറ്ററിലെത്തി. ഒരു സിനിമയുടെ റിലീസിന് മുമ്പ് മലയാള സിനിമയില്‍ പതിവില്ലാത്തതായിരുന്നു ചര്‍ച്ചകള്‍ എല്ലാം.



രണ്ടു ദിവസത്തേക്കുള്ള റിസര്‍വേഷനിലൂടെ മാത്രം സിനിമ 100 കോടി ക്ലബ്ബിലെത്തി. കേരളത്തില്‍ മാത്രം 626 സ്‌ക്രീന്‍ എന്ന റെക്കോഡോടെ റിലീസ് ചെയ്യുന്ന സിനിമ ആദ്യദിവസം ലോകമെമ്പാടുമായി 4100 സ്‌ക്രീനുകളില്‍ പ്രദര്‍ശിപ്പിക്കും. ഇതോടെ ആദ്യ ദിവസംതന്നെ സിനിമയുടെ 16,000ത്തിലേറെ പ്രദര്‍ശനങ്ങള്‍ നടക്കും. റിലീസിനായി കേരളത്തില്‍ വലിയ ആഘോഷങ്ങളാണ് മോഹന്‍ലാല്‍ ഫാന്‍സും തിയേറ്റര്‍ ഉടമകളും ഒരുക്കിയത്.