ആര്യനാട് സാമൂഹികാരോഗ്യ കേന്ദ്രത്തില് കുട്ടികൾക്ക് കോവിഷീല്ഡ് വാക്സിൻ നല്കിയ സംഭവത്തിൽ കുറ്റാരോപിതയായ ജെപിഎച്ച്‌എന് ഗ്രേഡ് 2 ജീവനക്കാരിയെ സസ്പെന്ഡ് ചെയ്തതായി ആരോഗ്യമന്ത്രി വീണാ ജോർജ് അറിയിച്ചു.

സംഭവം ശ്രദ്ധയിൽപ്പെട്ടതിനെ തുടർന്ന് അന്വേഷിച്ച്‌ കർശന നടപടിയെടുക്കാൻ ഡിഎംഒയോട് മന്ത്രി ആവശ്യപ്പെട്ടിരുന്നു. ഡിഎംഒ നടത്തിയ അന്വേഷണത്തെത്തുടർന്നാണ് സസ്പെന്ഡ് ചെയ്തത്. ഇത് സംബന്ധിച്ച അന്വേഷണ റിപ്പോർട്ട് മന്ത്രിക്ക് ഡിഎംഒ കൈമാറി. കുട്ടികളുടെ ആരോഗ്യസ്ഥിതി തൃപ്തികരമാണെന്ന് ഡോക്ടര്മാര് അറിയിച്ചിട്ടുണ്ട്.