15 വയസില്‍ നല്‍കേണ്ട വാക്സിന് പകരം കുട്ടികള്‍ക്ക് കോവിഡ് വാക്സിന് നല്‍കിയ സംഭവം: ജീവനക്കാരിയെ സസ്‌പെന്‍ഡ് ചെയ്ത് ആരോഗ്യവകുപ്പ്
തിരുവനന്തപുരത്ത് സാമൂഹികാരോഗ്യ കേന്ദ്രത്തില്‍ കുട്ടികള്‍ക്ക് കോവിഷീല്‍ഡ് വാക്സിന് നല്‍കിയ സംഭവത്തില്‍ ജീവനക്കാരിയെ സസ്‌പെന്‍ഡ് ചെയ്തതായി ആരോഗ്യ മന്ത്രി വീണാ ജോര്‍ജ് അറിയിച്ചു. ആര്യനാട് സാമൂഹികാരോഗ്യ കേന്ദ്രത്തിലെ ജെപിഎച്ച്എന്‍ ഗ്രേഡ് രണ്ട് ജീവനക്കാരിയെയാണ് സസ്‌പെന്‍ഡ് ചെയ്തത്.
സംഭവം ശ്രദ്ധയില്‍പ്പെട്ടതിനെ തുടര്‍ന്ന് അന്വേഷിച്ച് കര്‍ശന നടപടിയെടുക്കാന്‍ ഡിഎംഒയോട് ആവശ്യപ്പെട്ടിരുന്നതായി മന്ത്രി അറിയിച്ചിരുന്നു. ഡിഎംഒ നടത്തിയ അന്വേഷണത്തെത്തുടര്‍ന്നാണ് സസ്‌പെന്‍ഷന്‍ എന്ന് മന്ത്രി വ്യക്തമാക്കി. ഇത് സംബന്ധിച്ച അന്വേഷണ റിപ്പോര്‍ട്ട് മന്ത്രിക്ക് ഡിഎംഒ കൈമാറിയിട്ടുണ്ട്.
രണ്ട് കുട്ടികള്‍ക്കാണ് വാക്സിന് മാറി നല്‍കിയത്. 15 വയസില്‍ നല്‍കേണ്ട വാക്സിന് പകരം കോവിഡ് വാക്‌സിനായ കോവിഷീല്‍ഡ് നല്‍കുകയായിരുന്നു. കുട്ടികളുടെ ആരോഗ്യ സ്ഥിതി തൃപ്തികരമാണെന്ന് ഡോക്ടര്‍മാര്‍ അറിയിച്ചിട്ടുണ്ട്.
https://www.facebook.com/Malayalivartha
