തുരുത്തു കാണാന്‍ കൂട്ടുകാര്‍ക്കൊപ്പം പോയ പന്ത്രണ്ടുകാരന്‍ കാല്‍ വഴുതി പുഴയിലേക്ക്.... നിലവിളി കേട്ട് പുഴയോരത്ത് ഫുട്‌ബോള്‍ കളിച്ചു കൊണ്ടിരുന്ന അഹമ്മദും ഇര്‍ഫാനും ഓടിയെത്തി, വെള്ളത്തിനടിയില്‍ ഷര്‍ട്ടിന്റെ നേരിയ നിറം കണ്ട് മുങ്ങിത്തപ്പി 12 വയസ്സുകാരനെ കരയ്ക്കെത്തിച്ച് വിദ്യാര്‍ത്ഥികളുടെ ധീരത
തുരുത്തു കാണാന്‍ കൂട്ടുകാര്‍ക്കൊപ്പം പോയ പന്ത്രണ്ടുകാരന്‍ കാല്‍ വഴുതി പുഴയിലേക്ക്.... നിലവിളി കേട്ട് പുഴയോരത്ത് ഫുട്‌ബോള്‍ കളിച്ചു കൊണ്ടിരുന്ന അഹമ്മദും ഇര്‍ഫാനും ഓടിയെത്തി, വെള്ളത്തിനടിയില്‍ ഷര്‍ട്ടിന്റെ നേരിയ നിറം കണ്ട് മുങ്ങിത്തപ്പി 12 വയസ്സുകാരനെ കരയ്ക്കെത്തിച്ച് വിദ്യാര്‍ത്ഥികളുടെ ധീരത.
അരീപ്പാറ ചക്കാലയില്‍ വീട്ടില്‍ മേടപ്പില്‍ ഫിറോസിന്റെ മകന്‍ അഹമ്മദ് ഫാസ് (14), കുറുമ്ബറ്റ പാറപ്പുറത്ത് അക്ബറിന്റെ മകന്‍ ഇര്‍ഫാന്‍ (14) എന്നിവരാണ് കടലുണ്ടിപ്പുഴയില്‍ അപകടത്തില്‍പെട്ട ചെനയ്ക്കലങ്ങാടി സ്വദേശി ഗോകുല്‍ദേവി(12)ന്റെ രക്ഷകരായത്.
ഗോകുല്‍ദേവ് ഉള്‍പ്പെടെ അഞ്ചുപേര്‍ പുഴയിലെ പാറയിലൂടെ 30 മീറ്ററോളം നടന്ന് കുറുമ്ബറ്റ തട്ടാന്‍ചുറ്റി തുരുത്തിലെത്തി മടങ്ങുമ്‌ബോള്‍, 3 പേര്‍ കാല്‍ വഴുതി പുഴയില്‍ വീഴുകയായിരുന്നു.
ഒരാള്‍ നീന്തിയും മറ്റൊരാള്‍ മരച്ചില്ലയില്‍ പിടിച്ചും രക്ഷപ്പെട്ടപ്പോള്‍ ഗോകുല്‍ ദേവ് പുഴയില്‍ മുങ്ങിത്താഴുകയായിരുന്നു.പുഴയോരത്ത് ഫുട്‌ബോള്‍ കളിക്കുകയായിരുന്ന അഹമ്മദ് ഫാസും ഇര്‍ഫാനും നിലവിളി കേട്ടാണ് ഓടിയെത്തിയത്.
വെള്ളത്തിനടിയില്‍ ഷര്‍ട്ടിന്റെ നേരിയ നിറം കണ്ട്, ആ ഭാഗത്ത് മുങ്ങിത്തപ്പി ഗോകുല്‍ദേവിനെ രക്ഷിക്കുകയായിരുന്നു. കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച ഗോകുല്‍ദേവിന്റെ ആരോഗ്യനില തൃപ്തികരമാണ്.
https://www.facebook.com/Malayalivartha
