സൈജു ചില്ലറ മുതലല്ല... സൈജു, സൈറ ബാനു ചാറ്റ് വിവരങ്ങള് നിര്ണായകമാകുമെന്ന് സൂചന; സൈജു സിനിമക്കാര്ക്കും ലഹരി നല്കി; സൈജുവിന്റെ ലിങ്ക് വന് സിനിമാക്കാരിലേക്ക് നീങ്ങിയാല് പഴയതുപോലെ എല്ലാം ഇതോടെ തീരുമോയെന്ന ആശങ്ക
മിസ് കേരള മത്സര ജേതാക്കളായ മോഡലുകള് വാഹനാപകടത്തില് മരിച്ച കേസിലെ മുഖ്യപ്രതി സൈജു എം.തങ്കച്ചന് ചില്ലറക്കാരനല്ല. സൈജുവിന്റെ മേഖല പല വമ്പന്മാരിലേക്കുമാണ് നീളുന്നത്. ആഴ്ചകളായി സൈജുവിനെ ചോദ്യം ചെയ്തിട്ടും തീരാത്തത്ര പേരുകളാണ് വരുന്നത്.
സിനിമാരംഗത്തെ പലര്ക്കും സ്ഥിരമായി ലഹരിമരുന്നു കൈമാറ്റം ചെയ്തിരുന്നതായി അന്വേഷണ സംഘത്തിനു വിവരം ലഭിച്ചു. പക്ഷേ, ഇവരുടെ ദൃശ്യങ്ങള് സൈജുവിന്റെ മൊബൈല് ഫോണില് കണ്ടെത്തിയിട്ടില്ലാത്തിനാല് ലഹരി നല്കുകയല്ലാതെ അവരുടെ പാര്ട്ടികളില് സൈജുവിനു പ്രവേശനമുണ്ടായിരുന്നില്ല എന്നാണ് പൊലീസ് അനുമാനം.
ബെംഗളൂരുവില് നിന്നു കൊച്ചിയിലേക്കു രാസലഹരി മരുന്ന് എത്തിച്ചിരുന്ന കോഴിക്കോട്ടെ സംഘത്തിന്റെ വിശദാംശങ്ങളും സൈജുവിന്റെ മൊഴികളിലുണ്ട്. മോഡലുകളുടെ മരണവുമായി ബന്ധപ്പെട്ട ലഹരി ഇടപാടുകളില് അന്വേഷണം പൂര്ത്തിയാക്കി കുറ്റപത്രം സമര്പ്പിച്ചശേഷം സൈജു പ്രതിയായ മറ്റു ലഹരിക്കേസുകളില് വിശദമായ അന്വേഷണം നടത്താനാണു െ്രെകംബ്രാഞ്ചിനു ലഭിച്ചിരിക്കുന്ന നിര്ദേശം.
കേന്ദ്ര ലഹരിവിരുദ്ധ അന്വേഷണ ഏജന്സിയായ നര്കോട്ടിക് കണ്ട്രോള് ബ്യൂറോയും (എന്സിബി) ഈ കേസിന്റെ അന്വേഷണ പുരോഗതി നിരീക്ഷിക്കുന്നുണ്ട്. 2021 ജൂലൈ 26നു സൈറ ബാനുവെന്ന പേരുള്ള പ്രൊഫൈലുമായി സൈജു നടത്തിയ ചാറ്റിങ്ങില് നായാട്ടും തോക്കുമായി ബന്ധപ്പെട്ട വിവരങ്ങളുണ്ട്. ഇതുസംബന്ധിച്ച വിശദമായ ചോദ്യം ചെയ്യലിനു പൊലീസിന് അവസരം ലഭിച്ചിരുന്നില്ല.
മോഡലുകള് കൊല്ലപ്പെട്ട കേസിലൂടെ പുറത്തുവന്ന കൊച്ചിയിലെ ലഹരിമരുന്ന് ഇടപാടുകള് ക്രൈംബ്രാഞ്ച് പ്രത്യേക കേസുകളായി അന്വേഷിക്കും. വാഹനാപകടക്കേസും ലഹരിമരുന്നു കേസും ഒരുമിച്ച് അന്വേഷിച്ചു കുറ്റപത്രം സമര്പ്പിക്കുന്നതു പ്രതിഭാഗത്തിനു സഹായകരമാകുമെന്ന നിഗമനത്തിലാണ് അന്വേഷണ സംഘം.
മോഡലുകളുടെ അപകടമരണത്തിനു വഴിയൊരുക്കിയ ഇടപെടലുകള് നടത്തിയ മുഖ്യപ്രതി കൊല്ലം നല്ലില സ്വദേശി സൈജു എം. തങ്കച്ചന്റെ മൊഴികളിലൂടെയാണു കൊച്ചിയിലെ ലഹരി ഇടപാടുകള് സംബന്ധിച്ച വിശദാംശങ്ങള് െ്രെകംബ്രാഞ്ചിനു ലഭിച്ചത്. സൈജുവിന്റെ കാക്കനാട്ടെ വാടക ഫ്ലാറ്റ് അടക്കം ഇയാള് ലഹരിമരുന്നു പാര്ട്ടികള് സംഘടിപ്പിച്ച നഗരത്തിലെ മൂന്നു ഫ്ലാറ്റുകളില് അന്വേഷണ സംഘം ഇന്നലെ പരിശോധന നടത്തി. പാര്ട്ടി നടത്തിയ ഫ്ലാറ്റുകളുടെ പേരുകളും പങ്കെടുത്തവരുടെ വിശദാംശങ്ങളും സൈജു അന്വേഷണ സംഘത്തിനു കൈമാറിയിരുന്നു.
സൈജുവിന്റെ പാര്ട്ടികളില് പങ്കെടുത്ത 7 യുവതികള്ക്കും 10 യുവാക്കള്ക്കും എതിരെ ലഹരിക്കേസുകള് റജിസ്റ്റര് ചെയ്തു. കൊച്ചി സിറ്റി പൊലീസിന്റെ പരിധിയിലുള്ള എറണാകുളം സൗത്ത്, മരട്, പനങ്ങാട്, തൃക്കാക്കര, ഇന്ഫോപാര്ക്ക്, ഫോര്ട്ട്കൊച്ചി സ്റ്റേഷനുകളിലാണു കേസുള്ളത്. ഇടുക്കി വെള്ളത്തൂവല്, മാരാരിക്കുളം പൊലീസ് സ്റ്റേഷനുകളിലും ഒാരോ കേസുകള് റജിസ്റ്റര് ചെയ്തിട്ടുണ്ട്. ഈ ഓരോ കേസിലും സൈജുവിനെ അന്വേഷണസംഘത്തിനു കസ്റ്റഡിയില് വാങ്ങി ചോദ്യംചെയ്യാന് കഴിയും.
കേസിലെ പല പ്രതികളും അവരുടെ മൊബൈല് ഫോണുകള് ഓഫാക്കി ഒളിവിലാണ്. ഇവരെ പിടികൂടി ചോദ്യംചെയ്യാനാണു ക്രൈംബ്രാഞ്ചിനു ലഭിച്ചിരിക്കുന്ന നിര്ദേശം. ചിലരുടെ ഒളിത്താവളങ്ങള് അന്വേഷണ സംഘം കണ്ടെത്തിയിട്ടുണ്ട്, വൈകാതെ അറസ്റ്റുണ്ടാവും. സൈജുവിന്റെ മൊഴി പുറത്തുവന്നതു മുതലാണു പലരും ഒളിവില് പോയത്. ഇവരെ കണ്ടെത്തി ചോദ്യം ചെയ്യുന്നതോടെ കൂടുതല് പ്രതികളെ കണ്ടെത്താന് കഴിയും.
സൈജുവിന്റെ കാക്കനാട്ടെ വാടക ഫ്ലാറ്റ്, സലാഹുദീന്റെ ചിലവന്നൂരിലെ വാടക ഫ്ലാറ്റ്, സുനിലിന്റെ ഇടച്ചിറയിലെ ഫ്ലാറ്റ്, ഫോര്ട്ട്കൊച്ചി നമ്പര് 18 ഹോട്ടല്, കാക്കനാട്ടെ സ്വകാര്യ ഹോട്ടല്, വയനാട് റിസോര്ട്ട്, മാരാരിക്കുളത്തെ റിസോര്ട്ട്, മൂന്നാര് എന്നിവിടങ്ങളില് ലഹരിപ്പാര്ട്ടികള് നടത്തിയതിന്റെ ദൃശ്യങ്ങള് അടക്കം പൊലീസിനു സൈജുവിന്റെ ഫോണില് നിന്നു ലഭിച്ചിട്ടുണ്ട്. ബെംഗളൂരു, ഗോവ എന്നിവിടങ്ങളില് നിന്നാണു സൈജു ലഹരിമരുന്ന് എത്തിച്ചിരുന്നത്. ആ അന്വേഷണം ഇനി സിനിമാക്കാരിലേക്ക് നീങ്ങുമോ എന്ന് കാത്തിരുന്ന് കാണാം.
https://www.facebook.com/Malayalivartha