ഭർതൃവീട്ടിൽ യുവതിയെ തൂങ്ങി മരിച്ച നിലയില്‍ കണ്ടെത്തി; മരണത്തില്‍ ദുരൂഹതയാരോപിച്ച് കുടുംബം രംഗത്ത്
07 DECEMBER 2021 08:41 PM IST
മലയാളി വാര്‍ത്ത
വയനാട് പെരിക്കല്ലൂര്‍ സ്വദേശിയായ യുവതിയെ പേരാമ്പ്ര കൈതക്കലിലെ ഭര്‍ത്താവിന്റെ വീട്ടില്‍ തൂങ്ങി മരിച്ച നിലയില്‍ കണ്ടെത്തി. കൈതക്കലിലെ കാഞ്ഞിരോളി വിബിലേഷിന്റെ ഭാര്യ റെനിഷ (അമ്മു-27) യെയാണ് തിങ്കളാഴ്ച വൈകിട്ട് വീട്ടിലെ ശുചിമുറിയുടെ വെന്റിലേഷനില്‍ ഷാളില്‍ തൂങ്ങിയ നിലയില്‍ കണ്ടെത്തിയത്. പേരാമ്ബ്രയിലെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
പേരാമ്ബ്ര പൊലീസ് ഇന്‍ക്വസ്റ്റ് നടത്തി. പോസ്റ്റ്മോര്‍ട്ടത്തിന് ശേഷം ചൊവ്വാഴ്ച വൈകീട്ട് മൃതദേഹം പെരിക്കല്ലൂരിലെ വീട്ടുവളപ്പില്‍ സംസ്കരിച്ചു. പെരിക്കല്ലൂര്‍ കടവ് തകിടിയേല്‍ ഷാജഹാന്റെയും ഉഷയുടെയും മകളാണ്. സഹോദരങ്ങള്‍: ഷെറീന, റെഷീന. എട്ടു മാസം മുമ്ബാണ് റെനിഷയും വിബിലേഷും തമ്മില്‍ വിവാഹിതരായത്. മരണത്തില്‍ ദുരൂഹതയുള്ളതായി ആരോപിച്ച്‌ വീട്ടുകാര്‍ നല്‍കിയ പരാതിയില്‍ പേരാമ്ബ്ര പൊലീസ് കേസ് രജിസ്റ്റര്‍ ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
