മുല്ലപ്പെരിയാര് അണക്കെട്ടിന്റെ ഷട്ടര് മുന്നറിയിപ്പില്ലാതെ തുറന്നുവിടുന്ന തമിഴ്നാട് സര്ക്കാരിന്റെ നടപടിയ്ക്കെതിരെ കേരളം..... അടിയന്തിര നടപടി ആവശ്യപ്പെട്ട് ഇന്ന് സുപ്രീം കോടതിയില് പ്രത്യേക അപേക്ഷ നല്കും, മൂല്ലപ്പെരിയാര് കേസ് നടത്തിപ്പില് സാധ്യമായ എല്ലാ ഇടപെടലും നടത്തുമെന്നും മന്ത്രി റോഷി അഗസ്റ്റിന്
മുല്ലപ്പെരിയാര് അണക്കെട്ടിന്റെ ഷട്ടര് മുന്നറിയിപ്പില്ലാതെ തുറന്നുവിടുന്ന തമിഴ്നാട് സര്ക്കാരിന്റെ നടപടിയ്ക്കെതിരെ കേരളം... തമിഴ്നാട് , മുന്നറിയിപ്പില്ലാതെ തുടര്ച്ചയായി വെള്ളം തുറന്നുവിടുന്ന നടപടി സുപ്രീം കോടതിയുടെ ശ്രദ്ധയില്പ്പെടുത്തുമെന്ന് ജലവിഭവ വകുപ്പ് മന്ത്രി റോഷി അഗസ്റ്റിന് .
ഇക്കാര്യത്തില് അടിയന്തിര നടപടി ആവശ്യപ്പെട്ട് ഇന്ന് സുപ്രീം കോടതിയില് പ്രത്യേക അപേക്ഷ നല്കും. മൂല്ലപ്പെരിയാര് കേസ് നടത്തിപ്പില് സാധ്യമായ എല്ലാ ഇടപെടലും നടത്തുമെന്നും മന്ത്രി റോഷി അഗസ്റ്റിന് വ്യക്തമാക്കി.
ജലനിരപ്പ് ഉയര്ന്നതിനു പിന്നാലെ തിങ്കളാഴ്ച രാത്രി മുല്ലപ്പെരിയാറിലെ ഒന്പതു ഷട്ടറുകള് ഉയര്ത്തിയിരുന്നു. ഇതിനേ തുടര്ന്ന് വള്ളക്കടവ്, വണ്ടിപ്പെരിയാര് മേഖലകളിലെ താഴ്ന്ന പ്രദേശത്തെ വീടുകളില് വെള്ളം കയറുകയും ചെയ്തിരുന്നു. അനവധി വീടുകളില് വീണ്ടും വെള്ളം കയറി. ആയിരക്കണക്കിനാളുകള് ഭീതിയിലായി. സെക്കന്ഡില് 12,654 ഘനയടി വെള്ളം (3,58,326 ലിറ്റര്) ആണ് പെരിയാറിലേക്ക് ഒഴുക്കുന്നത്.
സീസണില് തന്നെ ആദ്യമായാണ് ഇത്തരത്തില് വെള്ളം വിടുന്നത്. ജലനിരപ്പ് 142 അടിയില് നിര്ത്താനുള്ള തമിഴ്നാടിന്റെ ആസൂത്രിത ശ്രമത്തിന്റെ ഭാഗമായി 27 മണിക്കൂറിനിടെ എട്ടു തവണയാണ് ഡാം തുറന്നത്. ഞായറാഴ്ച വൈകിട്ട് നേരത്തെ തുറന്ന ഒരു ഷട്ടര് കൂടാതെ എട്ട് ഷട്ടറുകള് കൂടി ഉയര്ത്തി സെക്കന്ഡില് 7800 ഘനയടി വെള്ളമൊഴുക്കി. പിന്നീട് ഒരു ഷട്ടറൊഴികെ ബാക്കിയെല്ലാം അടച്ചു.
തിങ്കളാഴ്ച പുലര്ച്ചെ നാലിന് നാല് ഷട്ടര് കൂടി 30 സെ.മീറ്റര് വീതമുയര്ത്തി. പിന്നാലെ 4.30ന് നാലെണ്ണം കൂടി ഉയര്ത്തി 5700 ഘനയടി വെള്ളം ഒഴുക്കിവിടാന് തുടങ്ങി. രാവിലെ 8.30ന് നാല് ഷട്ടറുകള് അടച്ചു. ഇതോടെ ജലനിരപ്പ് വീണ്ടും ഉയര്ന്നു. തുടര്ന്ന് ഷട്ടറുകള് 30 സെ.മീറ്ററില് നിന്ന് 60 ആക്കി ഉയര്ത്തി. ഉച്ചയ്ക്ക് 1.30ന് ഇത് വീണ്ടും 30 സെ.മീറ്ററാക്കി കുറച്ചു. നാല് മണിക്ക് വീണ്ടും ജലനിരപ്പ് ഉയര്ന്നതോടെ ഈ ഷട്ടറുകളെല്ലാം വീണ്ടും ഉയര്ത്തി 60 സെ.മീറ്ററാക്കി.
രാത്രി ഏഴിന് നാല് ഷട്ടറുകള് കൂടി തുറന്നു, 7.45ന് ഒമ്പത് ഷട്ടറുകളുടേയും ഉയരം 60 സെ.മീറ്ററാക്കി, 8.15ന് 90 മീറ്ററായും 8.30യോടെ 1.2 മീറ്റര് വീതമാക്കിയും ഉയര്ത്തി. രാത്രി ഒന്പതു മണിയോടെ വീടുകളില് വലിയ തോതില് വെള്ളം കയറി. ജനങ്ങള് പരിഭ്രാന്തരായി വീടു വിട്ട് സുരക്ഷിത സ്ഥലങ്ങളിലേക്ക് മാറി.
"
https://www.facebook.com/Malayalivartha