കാസര്ഗോഡ് പെരിയ ഇരട്ടകൊലക്കേസില് അഞ്ച് പ്രതികളുടെ ജാമ്യാപേക്ഷയില് എറണാകുളം സിജെഎം കോടതി വിധി ഇന്ന്
കാസര്ഗോഡ് പെരിയ ഇരട്ടകൊലക്കേസില് അഞ്ച് പ്രതികളുടെ ജാമ്യാപേക്ഷയില് എറണാകുളം സിജെഎം കോടതി ഇന്നു വിധി പറയും.
കേസുമായി ബന്ധപ്പെട്ട് കഴിഞ്ഞയാഴ്ച അറസ്റ്റിലായ സുരേന്ദ്രന് എന്ന വിഷ്ണു സുര, എ. മധു എന്ന ശാസ്ത മധു, റെജി വര്ഗീസ്, എ. ഹരിപ്രസാദ്, ഏച്ചിലടുക്കം ബ്രാഞ്ച് സെക്രട്ടറി പി. രാജേഷ് എന്ന രാജു എന്നിവരുടെ ജാമ്യാപേക്ഷയാണ് കോടതി വിധി പറയാനായി മാറ്റിയത്.
കേസിലെ സിബിഐ അന്വേഷണം തടയുന്നതിനുവേണ്ടി സുപ്രീംകോടതിയെ വരെ സമീപിച്ചവരാണ് പ്രതികളെന്നും ഇവര് ഉന്നത രാഷ്ട്രീയബന്ധങ്ങളുള്ളവരാണെന്നും സിബിഐ കോടതിയില് ബോധിപ്പിച്ചു.
കൊലപാതകം, തെളിവ് നശിപ്പിക്കല് സംഘം ചേരല്, ഗൂഡാലോചന തുടങ്ങിയവയാണ് പ്രതികള്ക്കെതിരായുള്ള കുറ്റങ്ങള്. യുവാക്കള്ക്കിടയില് ശരത് ലാലിനുണ്ടായിരുന്ന സ്വാധീനം അവസാനിപ്പിക്കാന് സിപിഎം പ്രാദേശിക നേതാക്കള് തീരുമാനിച്ചിരുന്നു.
സിപിഎം പശ്ചാത്തമുള്ള കുടുംബത്തിലെ കൃപേഷ് ശരത്തിലാലിന്റെ അടുത്ത അനുയായി മാറിയതും സിപിഎം നേതാക്കളെ അസ്വസ്ഥപ്പെടുത്തി. ശരത് ലാലും സിപിഎം പ്രവര്ത്തകരും തമ്മില് നിരവധി പ്രാവശ്യം ഏറ്റമുട്ടലുകളുണ്ടായിട്ടുണ്ട്. ഇതിനിടെയാണ് പെരിയ മുന് ലോക്കല് കമ്മിറ്റി അംഗം പീതാംബരനെ ശരത് ലാല് മര്ദ്ദിക്കുന്നത്. ഇതിന് ശേഷം കൊലപാതക ഗൂഡാലോചന സിപിഎം തുടങ്ങിയെന്ന് സിബിഐ പറയുന്നു.
2019 ഫെബ്രുവരി 17നാണ് പെരിയയില് യുവാക്കളെ കൊലപ്പെടുത്തുന്നത്. സിബിഐ തിരുവനന്തപുരം യൂണിറ്റ് ഡിവൈഎസ്പി അനന്തകൃഷ്ണനാണ് കൊച്ചി സിജെഎം കോടതിയില് കുറ്റപത്രം നല്കിയത്.
" f
https://www.facebook.com/Malayalivartha
