ആന പ്രേമികളുടെ നാടാണ് കേരളം എന്ന് ഒരിക്കൽ കൂടി ഉറപ്പിച്ച സംഭവമാണ് ഇപ്പോൾ ഉണ്ടായിരിക്കുന്നത് .

കാഴ്ചനഷ്ടപ്പെട്ട ദേവസ്വം ആനയ്ക്ക് ചികിത്സയിലൂടെ കാഴ്ച തിരിച്ചുകിട്ടിയപ്പോൾ ഒരു നാടാകെ ആഹ്ലാദിച്ചു . തിരുവിതാംകൂർ ദേവസ്വം ബോർഡിന്റെ കൊല്ലം ആദിനാട് ശക്തികുളങ്ങര ദേവീക്ഷേത്രത്തിലെ സഞ്ജയൻ എന്ന ആനയ്ക്കാണ് കാഴ്ച നഷ്ടപ്പെട്ടത്

സഞ്ജയൻ ആനയുടെ ഇടതുകണ്ണിനാണ് മൂന്ന് മാസം മുൻപ് കാഴ്ച മങ്ങിയത്. പതുക്കെ വലതുകണ്ണിന്റെയും കാഴ്ച മങ്ങി .. ഇതോടെ ആനയെ പുറത്തെഴുന്നള്ളിക്കാൻ പറ്റാത്ത അവസ്ഥയായി . ഇതോടെ ദേവസ്വം ജീവനക്കാർ മാത്രമല്ല നാട്ടുകാരും വിഷമത്തിലായി . എങ്ങനെയും ആനയുടെ കാഴ്ച വീണ്ടെടുക്കണമെന്ന ആഗ്രഹത്തോടെ ഒരു നാട് മുഴുവൻ ഒരുമിച്ചു നിന്നു ..

അമേരിക്കയില്‍നിന്നു ഇതിനായി മരുന്നുകള്‍ കൊണ്ടുവന്നു. നാട്ടുകാരാണ് ഇതിനുള്ള ചെലവ് വഹിച്ചത്.ആനപ്രേമിയായ ഷാൻ കൃഷ്ണയാണ് ഈ ഉദ്യമത്തിന് മുൻകൈ എടുത്തത്. ലാനോമാക്സ് എന്ന വിദേശമരുന്ന് അഞ്ച് കുപ്പികളാണ് സഞ്ജയന്റെ ചികിത്സയ്ക്കായി നല്‍കിയത്. ഇന്ത്യന്‍ വിപണിയില്‍ ലഭ്യമല്ലാത്ത മരുന്നാണിത്. ഒരു ബോട്ടിലിന് ഇന്ത്യന്‍ രൂപയുടെ മൂല്യമനുസരിച്ച് 8,000രൂപ മുതല്‍ 10,000 രൂപ വരെയാണ് വില

മദപ്പാട് സമയത്ത് തീറ്റയെടുത്ത് കുലുക്കിയപ്പോൾ കണ്ണിലുണ്ടായ മുറിവാണ് പീള അടിയൽ രോഗത്തിന് കാരണമായി പറയുന്നത്....... 40 വർഷം മുൻപ് ഒരു ഭക്തനാണ് ആദിനാട് ശക്തികുളങ്ങര ക്ഷേത്രത്തിൽ സഞ്ജയൻ എന്ന ആനയെ നടക്കിരുത്തിയത്. അന്നുമുതൽ ഭക്തരുടേയും ക്ഷേത്ര ഭരണസമിതി അംഗങ്ങളുടെയും പ്രിയപ്പെട്ടവനാണ് സഞ്ജയൻ.

ആദിനാട് സ്വദേശിയായ ആനപ്രേമി ഷാൻ കൃഷ്ണ ഫേസ്ബുക്കിലൂടെ പരിചയപ്പെട്ട വടകര സ്വദേശിയായ അമേരിക്കൻ മലയാളി ശ്രീധരൻ സുരേന്ദ്രനെ ബന്ധപ്പെട്ടതോടെയാണ് കാര്യങ്ങൾ എളുപ്പമായത് . പിന്നാലെ അമേരിക്കയിൽ നിന്നും മരുന്ന് എയർപോർട്ടിലെത്തിച്ചു. മരുന്ന് ക്ഷേത്രഭാരവാഹികൾക്ക് കൈമാറിയ ഉടൻ തന്നെ ചികിത്സയും ആരംഭിച്ചു.

അജിത്ത്, സിബി, മദനൻ, രവീന്ദ്രൻ, ഗിരീഷ്, ശ്യാംചന്ദ്, രാജീവ് എന്നിവരടങ്ങിയ ഡോക്ടർ സംഘം വിവിധ ഘട്ടങ്ങളിലായി ആനയുടെ രോഗം വിലയിരുത്താനായി എത്തി . തിരുവനന്തപുരം ഗവ.കണ്ണാശുപത്രിയിലെ സൂപ്രണ്ട് ഡോ.ചിത്രയുടെ അഭിപ്രായവും തേടിയിരുന്നു....... കാഴ്ച തിരികെ കിട്ടിയതിന്റെ നിജസ്ഥിതി വിലയിരുത്താനായി കോന്നി ഫോറസ്റ്റ് വെറ്ററിനറി ഓഫീസർ ഡോ. ശ്യാം ചന്ദ് ബുധനാഴ്ച ആദിനാട് ക്ഷേത്രത്തിൽ എത്തുന്നുണ്ട്.

കാഴ്ച നഷ്ടപ്പെടുന്ന ആനകൾക്ക് അത് തിരികെ കിട്ടുന്നത് അപൂർവമാണ്.....‘കോർണിയൽ ഒപ്പേസിറ്റി’ എന്നരോഗം ആയിരിക്കാം സഞ്ജയനെ ബാധിച്ചതെന്നാണ് ശ്യാംചന്ദിന്റെ വിലയിരുത്തൽ. നേത്രപടലങ്ങളിൽ ഉണ്ടാകുന്ന രോഗമാണിത്....... നാട്ടുകാരുടെ പ്രിയങ്കരനായ സഞ്ജയൻ വീണ്ടും കാഴ്ചകൾ ആസ്വദിക്കുമെന്ന പ്രതീക്ഷയിലാണ് എല്ലാവരും