കടല്‍ക്കൊലക്കേസ്: സൈനികരെ വിചാരണ ചെയ്യാന്‍ ഏതു രാജ്യത്തിനാണ് അധികാരമെന്ന വിഷയത്തില്‍ രാജ്യാന്തര ട്രൈബ്യൂണലില്‍ ഇന്ത്യയ്ക്കു തിരിച്ചടി
കേരള തീരക്കടലില്‍ വച്ച് രണ്ടു മല്‍സ്യത്തൊഴിലാളികളെ വെടിവച്ചുകൊന്ന കേസില്‍ പ്രതികളായ രണ്ട് ഇറ്റാലിയന്‍ സൈനികര്‍ക്കെതിരെയുള്ള ഇന്ത്യയിലെയും ഇറ്റലിയിലെയും കോടതിനടപടികള്‍ നിര്‍ത്തിവയ്ക്കാന്‍ ഐക്യരാഷ്ട്രസംഘടനയുടെ നേതൃത്വത്തിലുള്ള രാജ്യാന്തര ട്രൈബ്യൂണല്‍ ഉത്തരവിട്ടു. എന്നാല്‍ ഇറ്റാലിയന്‍ സൈനികരെ ഇന്ത്യ വിട്ടയയ്ക്കാന്‍ ഉത്തരവിടണമെന്ന ഇറ്റലിയുടെ ആവശ്യവും ട്രൈബ്യൂണല്‍ തള്ളിയിട്ടുണ്ട്. ഇവരെ വിചാരണ ചെയ്യാന്‍ ഏതു രാജ്യത്തിനാണ് അധികാരമെന്ന വിഷയം അഞ്ചംഗ തര്‍ക്കപരിഹാര കോടതിക്കു വിട്ടു. ഇരു രാജ്യങ്ങളും തമ്മിലുള്ള തര്‍ക്കത്തില്‍ തീരുമാനമെടുക്കാന്‍ ട്രൈബ്യൂണലിന് അധികാരമില്ലെന്ന ഇന്ത്യയുടെ വാദം തള്ളി.
എന്റിക്ക ലെക്‌സി എന്ന കപ്പലിലെ ഇറ്റാലിയന്‍ സൈനികര്‍ 2012 ഫെബ്രുവരി 15-നാണ് രണ്ടു മല്‍സ്യത്തൊഴിലാളികളെ കൊലപ്പെടുത്തിയത്. ഈ കേസ് ഇന്ത്യയിലെ കോടതി വിചാരണ ചെയ്യുന്നതിനെതിരെ ഇറ്റലി സമര്‍പ്പിച്ച അപേക്ഷ പരിഗണിച്ച ഇന്റര്‍നാഷനല്‍ െ്രെടബ്യൂണല്‍ ഓണ്‍ ലോ ഓഫ് ദ് സീ (ഐടിഎല്‍ഒഎസ്) പ്രസിഡന്റ് വ്‌ലാഡിമിര്‍ ഗോളിത്‌സിന്‍ ഇന്ത്യയോടും ഇറ്റലിയോടും പ്രഥമ റിപ്പോര്‍ട്ട് സെപ്റ്റംബര്‍ 24-നകം സമര്‍പ്പിക്കാനും ഉത്തരവിട്ടിട്ടുണ്ട്. ഇതു സംബന്ധിച്ചു പുതിയ കേസുകള്‍ ആരംഭിക്കരുതെന്നും നിര്‍ദേശമുണ്ട്. ഈ കേസ് സംബന്ധിച്ചു െ്രെടബ്യൂണല്‍ വാദം കേള്‍ക്കുന്ന തീയതി തീരുമാനിച്ചിട്ടില്ല.
കടല്‍ക്കൊള്ളക്കാരാണെന്നു കരുതിയാണ് മല്‍സ്യത്തൊഴിലാളികള്‍ക്കു നേരെ വെടിവച്ചതെന്നാണ് ഇറ്റാലിയന്‍ സൈനികരുടെ വാദം. കേസിലെ പ്രതികളിലൊരാളായ മസിമിലാനോ ലത്തോറിന് ആരോഗ്യപ്രശ്‌നങ്ങളാല്‍ ഇറ്റലിയില്‍ ആറുമാസം കൂടി തങ്ങാന്‍ സുപ്രീം കോടതി കഴിഞ്ഞ മാസം 13-ന് അനുമതി നല്‍കിയിരുന്നു. കൂട്ടുപ്രതി സാല്‍വത്തോറെ ജിറോണ്‍ മാത്രമാണ് ഇന്ത്യയിലുള്ളത്. സൈനികര്‍ 2012 ഫെബ്രുവരി 19-ന് ആണ് അറസ്റ്റിലായത്.
ഇരു രാജ്യങ്ങളിലും കോടതിനടപടികള്‍ തുടരുന്നത് ഈ രാജ്യങ്ങള്‍ക്കിടയിലെ പ്രശ്‌നങ്ങള്‍ രൂക്ഷമാക്കുന്നതിനൊപ്പം തര്‍ക്കപരിഹാര െ്രെടബ്യൂണല്‍ എടുക്കാനിരിക്കുന്ന തീരുമാനത്തെ തടസ്സപ്പെടുത്തുകയും ചെയ്യുമെന്ന് 21 അംഗങ്ങളുള്ള രാജ്യാന്തര െ്രെടബ്യൂണല്‍ നിരീക്ഷിച്ചു. സൈനികരെ വിചാരണ ചെയ്യാന്‍ ഏതു രാജ്യത്തിനാണ് അധികാരമെന്ന വിഷയത്തില്‍ തീരുമാനമെടുക്കാന്‍ െ്രെടബ്യൂണലിനു പ്രഥമദൃഷ്ട്യാ അധികാരമുണ്ട്.
ഇന്ത്യയിലെ പ്രാഥമിക നിയമനടപടികള്‍ പോലും ഇറ്റലി പൂര്‍ത്തിയാക്കാത്തതിനാല്‍ കേസ് ട്രൈബ്യൂണല്‍ പരിഗണിക്കരുതെന്ന വാദം നിരാകരിച്ചത് ഇന്ത്യയ്ക്കു തിരിച്ചടിയായി. ട്രൈബ്യൂണലിലെ 15 അംഗങ്ങള്‍ ഉത്തരവിനെ അനുകൂലിച്ചപ്പോള്‍ ആറുപേര്‍ എതിര്‍ത്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
