യുവാവിനെ വീട്ടില് കയറി വെട്ടിക്കൊന്ന സംഭവത്തില് മുഖ്യ പ്രതികൾ അറസ്റ്റിൽ; ഒന്നാം പ്രതി സുധീഷ് ഉണ്ണിയേയും മൂന്നാം പ്രതി മുട്ടായി ശ്യാമിനേയും പിടികൂടിയത് ഒളിവിൽ കഴിയുന്നതിനിടെ നാട്ടിൽ തിരികെ എത്തിയപ്പോൾ; കേസിൽ ഇനി പിടികൂടാനുള്ളത് രണ്ടാം പ്രതി രാജേഷിനെ മാത്രം

യുവാവിനെ വീട്ടില് കയറി വെട്ടിക്കൊന്ന സംഭവത്തില് മുഖ്യ പ്രതികൾ അറസ്റ്റിൽ. ഒന്നാം പ്രതി സുധീഷ് ഉണ്ണി, മൂന്നാം പ്രതി മുട്ടായി ശ്യാം എന്നിവരെയാണ് പോലീസ് പിടികൂടിയത്. പ്രതികള് തമിഴ്നാട്ടില് ഒഴിവിലായിരുന്നു. പ്രതികള് പോത്തന്കോട് തിരിച്ച് വന്നപ്പോഴാണ് പോലീസ് പിടകൂടിയത്. രണ്ടാം പ്രതി രാജേഷിനെ മാത്രമാണ് ഇനി പിടിയിലാകാനുള്ളത്. പിടിയിലായ ഉണ്ണിയാണ് ഉണ്ണിയാണ് സുധീഷിനെ വെട്ടിയത്. കേസുമായി ബന്ധപ്പെട്ട് സച്ചിന്, അരുണ്, സൂരജ്, ജിഷ്ണു, നന്ദു, ഷിബിന്, നന്ദീഷ്, നിധീഷ്, രഞ്ജിത്ത് എന്നീ പ്രതികളെ പോലാസ് പിടികൂടിയിരുന്നു.
രണ്ട് ദിവസം മുമ്ബ് മംഗലപുരത്ത് പ്രതികള് കൊലപാതകം നടത്തേണ്ട രീതി സംബന്ധിച്ച് റിഹേഴ്സല് നടത്തിയിരുന്നുവെന്ന് പോലീസ് അറിയിച്ചു. മംഗലപുരം ചെമ്ബകമംഗലം സ്വദേശിയായ സുധീഷിനെ പോത്തന്കോട് കല്ലൂരിലെ വീട്ടില്വച്ചാണ് പ്രതികള് ആക്രമിച്ചത്.
കല്ലൂരിലെ വീട്ടില് സുധീഷ് ഒളിച്ച് താമസിക്കുകയായിരുന്നില്ലെന്ന് വീട്ടുടമ സജീവ് പറഞ്ഞു. നാല് ദിവസം മുന്പ് സുധീഷ് ഇവിടെ പണിക്ക് വന്നിരുന്നു. അതിന് ശേഷം തിരിച്ച് പോയി. ഇന്നലെ പ്രതികള് ആക്രമിച്ചപ്പോള് സുധീഷ് ഓടിക്കയറി വരികയായിരുന്നെന്നും സജീവ് പറഞ്ഞു.
ശനിയാഴ്ച ഉച്ചയ്ക്ക് രണ്ടരയോടെയാണ് മംഗലപുരം ചെമ്ബകമംഗലം സ്വദേശിയായ സുധീഷിനെ പ്രതികള് കൊലപ്പെടുത്തിയത്. ഓട്ടോയിലും രണ്ട് ബൈക്കിലുമായി എത്തിയ പത്തംഗ സംഘത്തെ കണ്ട സുധീഷ് വീട്ടിനുള്ളിലേക്ക് ഓടിക്കയറി. ബോംബ് എറിഞ്ഞ് ഭീതിയുണ്ടാക്കിയ സംഘം വീടിന്റെ ജനലുകളും വാതിലുകളും അടിച്ച് തകര്ത്തശേഷം അകത്ത് കയറി സുധീഷിനെ തുടരേ വെട്ടുകയായിരുന്നു. തടയാനെത്തിയ വീട്ടിലുണ്ടായിരുന്ന കുഞ്ഞിനെയടക്കം ആക്രമിച്ചു. സുധീഷിന്റെ ഒരുകാല് വെട്ടിയെടുത്ത് 500 മീറ്ററിനപ്പുറം റോഡിലേക്കെറിഞ്ഞു. അതിനുശേഷം ആഹ്ളാദം പ്രകടിപ്പിക്കുന്നതും സിസിടിവി ദൃശ്യങ്ങളില് വ്യക്തമാണ്.
ആക്രമണത്തില് ഗുരുതര പരിക്കേറ്റ സുധീഷ് ആശുപത്രിയിലെത്തിക്കും മുമ്ബ് മരിച്ചു. ഗുണ്ടകള് എത്തുന്നതിന്റെയും കാല് റോഡിലെറിയുന്നതിന്റെയും സിസിടിവി ദൃശ്യങ്ങളാണ് കേസിലെ പ്രധാനതെളിവ്. തൊട്ടടുത്ത വീട്ടിലെ സിസിടിവി ദൃശ്യങ്ങളാണ് പുറത്ത് വന്നത്. സുധീഷിന്റെ മരണമൊഴിയുമുണ്ട്. ഗുണ്ടാനേതാവ് രാജേഷിന്റെ സുഹൃത്തിനെ കൊന്നതിന് പ്രതികാരമായാണ് സുധീഷിനെ വെട്ടിക്കൊന്നതെന്നാണ് വിവരം.
https://www.facebook.com/Malayalivartha