തന്റെ സ്ത്രീത്വത്തെ അപമാനിച്ചു.... സെക്രട്ടറിയേറ്റ് ജീവനക്കാരനെതിരെ പരാതിയുമായി പിജി ഡോക്ടര്
പി.ജി ഡോക്ടര്മാര് നടത്തി വരുന്ന സമരം ഒത്തുതീര്പ്പാക്കാന് ചര്ച്ചയ്ക്കെത്തിയ ഡോക്ടറെ സെക്രട്ടറിയേറ്റ് ജീവനക്കാരന് അധിക്ഷേപിച്ചതായി പരാതി. പരാതിയുമായി എത്തിയത് കെഎംപിജിഎ സംസ്ഥാന പ്രസിഡന്റ് ഡോക്ടര് അജിത്രയാണ്.
സംസ്ഥാനത്തെ പി.ജി ഡോക്ടര്മാര് നടത്തി വരുന്ന സമരം ഒത്തുതീര്പ്പാക്കാന് അഡീഷണല് ചീഫ് സെക്രട്ടറിയുമായി ചര്ച്ച നടത്താന് എത്തിയപ്പോള് സെക്രട്ടറിയേറ്റ് ജീവനക്കാരന് അധിക്ഷേപിച്ചു എന്നാണ് പരാതി. ഇതേതുടര്ന്ന് അജിത്ര സെക്രട്ടേറിയറ്റ് ഗേറ്റിന് പുറത്തു കുത്തിയിരുന്ന് പ്രതിഷേധിച്ചു. കൂടാതെ തന്റെ സ്ത്രീത്വത്തെ അപമാനിച്ചാണ് ജീവനക്കാരന് പെരുമാറിയതെന്നും ജീവനക്കാരന്റെ പേരറിയാതെ താന് അവിടെ നിന്നും എഴുന്നേല്ക്കില്ലെന്നും ഡോ. അജിത്ര വ്യക്തമാക്കി.
വിദ്യാഭ്യാസവകുപ്പ് അഡീഷണല് ചീഫ് സെക്രട്ടറിയെ കാണുന്നതിന് വേണ്ടി കാത്തിരിക്കുമ്ബോഴായിരുന്നു സംഭവം. ഐഡി കാര്ഡുള്ള ജീവനക്കാരന് ഇവിടെ ഒരുപാട് വലിയ ആളുകള് വരുന്നതാണെന്നും കാല് താഴ്ത്തി ഇട്ട് ഇരിക്കാന് പറഞ്ഞുവെന്നും അജിത്ര പറഞ്ഞു.
തനിക്ക് സൗകര്യപ്രദമായ രീതിയിലാണ് ഇരിക്കുന്നതെന്നും കാലിന് മുകളില് കാല് കയറ്റി വച്ചിരുന്നാല് എന്താണെന്ന് ചോദിച്ചപ്പോള് എങ്കില് തുണിയുടുക്കാതെ നടന്നോ എന്നു പറയുകയും ചെയ്തു എന്ന് അജിത്ര പറഞ്ഞു. തന്നോട് മോശമായി പെരുമാറിയ ആളെക്കുറിച്ച് ചോദിച്ചപ്പോള് പൊലീസുകാരും വ്യക്തമായ മറുപടി നല്കിയില്ലെന്നും ആളെക്കണ്ടാല് തനിക്ക് തിരിച്ചറിയാന് കഴിയുമെന്നും അജിത്ര പറഞ്ഞു.
അതേസമയം ഇതുവരെയായും പി ജി ഡോക്ടര്മാര്ക്ക് അഡീഷണല് ചീഫ് സെക്രട്ടറിയെ കാണാന് സാധിച്ചിട്ടില്ല. മന്ത്രിതലത്തില് എടുത്ത തീരുമാനങ്ങള് നിലനില്ക്കെ താഴെതട്ടില് എങ്ങനെ ചര്ച്ച നടത്തുമെന്നാണ് അധികൃതര് ചോദിക്കുന്നത്. എന്നാല് ഇന്നലെ എടുത്ത തീരുമാനങ്ങളില് വ്യക്ത വരുത്തുന്നതിന് വേണ്ടിയാണ് ചര്ച്ചക്ക് വന്നതെന്നും 12 മണിക്ക് ഇതിനായി സമയം അനുവദിച്ചരുന്നെന്നും സമരക്കാര് പറയുന്നു.
https://www.facebook.com/Malayalivartha
