അഞ്ചോളം പേരെ വിവാഹം കഴിച്ച തിരുവനന്തപുരം സ്വദേശി മലപ്പുറത്ത് വെച്ച് സ്വന്തം മകളെയും പീഡിപ്പിച്ചു. വിദേശത്തേക്ക് കടക്കാന്‍ ശ്രമിക്കുന്നതിനിടെ പോക്സോ കേസ് പ്രതി പിടിയില്‍. തിരുവനന്തപുരം സ്വദേശി ഹാഷിം മുഹമ്മദ് അബൂബക്കറി (53) നെയാണ് പൂക്കോട്ടുംപാടം എസ് ഐകെ ബഷീറും സംഘവും നെടുമ്ബാശ്ശേരി എയര്‍പോര്‍ട്ട് അധികൃതരുടെ സഹായത്തോടെ ആയിരുന്നു അറസ്റ്റ് രേഖപ്പെടുത്തിയത്.

അഞ്ചോളം വിവാഹം കഴിച്ചിട്ടുള്ള പ്രതി സ്വന്തം മകളെ പീഡിപ്പിച്ചതായി പൂക്കോട്ടുംപാടം പൊലീസ് സ്റ്റേഷനില്‍ മുൻപേ പരാതി ലഭിച്ചിരുന്നു. ഇതിന്റെ അന്വേഷണം നടക്കുന്നതിനിടെയാണ് പ്രതി വിദേശത്തേക്ക് കടക്കുവാന്‍ ശ്രമിക്കുന്നതായി പൊലീസിന് അറിവ് ലഭിച്ചത്. സീനിയര്‍ സി പി ഒ അബ്ദുല്‍ മുജീബ്, സി പി ഒ ജോണ്‍ മാത്യു എന്നിവരും പൊലീസ് സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തിരിക്കുകയാണ്.