വീട്ടിലേക്ക് സ്കൂട്ടറില് പോകുകയായിരുന്ന എസ്.ഡി.പി.ഐ നേതാവിനെ കാറിടിപ്പിച്ച് വീഴ്ത്തിയ ശേഷം നാലംഗ സംഘം വെട്ടിക്കൊലപ്പെടുത്തി.... സംസ്ഥാന സെക്രട്ടറി പൊന്നാട് അല്ഷാ ഹൗസില് 38കാരനായ അഡ്വ. കെ.എസ്. ഷാനാണ് കൊല്ലപ്പെട്ടത്, ഇന്നലെ വൈകിട്ട് ഏഴരയോടെ മണ്ണഞ്ചേരി കുപ്പേഴം ജംഗ്ഷനിലായിരുന്നു സംഭവം, കൈ കാലുകള്ക്കും വയറിനും തലക്കും വെട്ടേറ്റ ഷാനിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല, സ്ഥലത്ത് വന് പോലീസ് സംഘം ക്യാമ്പ് ചെയ്യുന്നു
വീട്ടിലേക്ക് സ്കൂട്ടറില് പോകുകയായിരുന്ന എസ്.ഡി.പി.ഐ നേതാവിനെ കാറിടിപ്പിച്ച് വീഴ്ത്തിയ ശേഷം നാലംഗ സംഘം വെട്ടിക്കൊലപ്പെടുത്തി....
സംസ്ഥാന സെക്രട്ടറി പൊന്നാട് അല്ഷാ ഹൗസില് 38കാരനായ അഡ്വ. കെ.എസ്. ഷാനാണ് കൊല്ലപ്പെട്ടത്, ഇന്നലെ വൈകുന്നേരം മണ്ണഞ്ചേരി സ്കൂള് കവലയ്ക്കു കിഴക്ക് ആളൊഴിഞ്ഞ കുപ്പേഴം ജങ്ഷനില് വച്ചായിരുന്നു ആക്രമണം നടന്നത്. പൊന്നാടുള്ള വാടകവീട്ടിലേക്ക് (അല്ഷ ഹൗസ്) സ്കൂട്ടറില് പോകുമ്പോഴായിരുന്നു സംഭവമുണ്ടായത്.
പിന്നില്നിന്ന് കാറിലെത്തിയ സംഘം സ്കൂട്ടറില് ഇടിപ്പിച്ച് ഷാനെ വീഴ്ത്തിയശേഷം തുടരെ തുടരെ വെട്ടുകയായിരുന്നു. കാറില് നിന്നിറങ്ങിയ നാലുപേരും ആക്രമണം നടത്തിയെന്ന് ദൃക്സാക്ഷികള് പറയുന്നു. കൃത്യം നിര്വഹിച്ചശേഷം വന്നവഴിതന്നെ അക്രമിസംഘം തിരികെപ്പോയി.
അക്രമികള് മണ്ണഞ്ചേരി ഭാഗത്തേക്കു പോയതായി സിസിടിവി ദൃശ്യങ്ങളില് നിന്നു തിരിച്ചറിഞ്ഞിട്ടുണ്ട്. ഇവരുടെ കാര് പൊലീസ് തിരിച്ചറിഞ്ഞു . നാട്ടുകാരാണ് ആശുപത്രിയില് എത്തിച്ചത്. അടുത്ത വീട്ടിലെ കാമറയില് ദൃശ്യങ്ങള് പതിഞ്ഞിട്ടുണ്ട്.
ഷാനെ ആദ്യം മണ്ണഞ്ചേരിയിലെയും ആലപ്പുഴയിലെയും സ്വകാര്യ ആശുപത്രിയില് എത്തിച്ച ശേഷമാണ് പിന്നീട് എറണാകുളം മെഡിക്കല് ട്രസ്റ്റിലേക്ക് മാറ്റിയത്. കാറിനെക്കുറിച്ച് പൊലീസിന് വ്യക്തമായ സൂചന ലഭിച്ചതായാണ് വിവരം.
അതേസമയം കൈ കാലുകള്ക്കും വയറിനും തലക്കും വെട്ടേറ്റ ഷാനിനെ ആലപ്പുഴയിലെ ആദ്യം ആലപ്പുഴയിലെ സ്വകാര്യ ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. ആലപ്പുഴ ഡിവൈ.എസ്.പി എം.ജയരാജിന്റെ നേതൃത്വത്തില് വന് പൊലീസ് സംഘം പ്രദേശത്ത് ക്യാമ്പ് ചെയ്യുന്നുണ്ട്. ആക്രമണത്തിന് പിന്നില് എന്താണെന്ന് വ്യക്തമല്ലെന്ന് പൊലീസ് പറഞ്ഞു
അതേസമയം ആര്എസ്എസ് ആണ് ആക്രമണത്തിനു പിന്നിലെന്ന് എസ്ഡിപിഐ സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി ആരോപിച്ചു.
https://www.facebook.com/Malayalivartha
