വിവാഹപ്രായം 21വയസ്സു ആക്കിയതിന്റെ പിന്നിലുള്ള ചർച്ചകൾ ഇപ്പോഴും പുരോഗമിക്കുകയാണ്.ഈ വിസ്യത്തിൽ ശ്രദ്ധേയമായൊരു കുറിപ്പ് പങ്കു വച്ചിരിക്കുകയാണ് ഡോ.അരുൺകുമാർ അദ്ദേഹം ഫേസ്ബുക്കിൽ കുറിച്ച കുറിപ്പിന്റെ പൂർണ്ണ രൂപം ഇങ്ങനെ; 18 ൽ വോട്ടു ചെയ്യാമെങ്കിൽ 18 ൽ കെട്ടുമാവാം എന്ന് വാദിക്കുന്നവർ ഒന്ന് നിന്നേ ... സാറൻമാരേ വോട്ടിടുന്ന പ്രായമാണ് 18.

പഞ്ചായത്തംഗമാകാൻ 21 ഉം എം.പി യോ എം.ൽ.എ യോ ആകാൻ 25 ഉം വയസ്സറിയിക്കണം. അഞ്ചു വർഷം മാത്രം കാലയളവുള്ള വേണ്ടങ്കിൽ ഒരു കടലാസിലെ രാജിയിലൂടെ അവസാനിപ്പിക്കാൻ കഴിയുന്ന ഒരു വാർഡിൻ്റെ ഒരംഗം പോലുമാകാൻ 21 വയസ്സ് വേണമെന്നിരിക്കെ, എം.പി യോ എം.ൽ. എയോ ആകാൻ 25 വേണമെന്നിരിക്കെ ആജീവനാന്ത കാലത്തേക്കുള്ള ഒരു തെരഞ്ഞെടുപ്പിൽ (ആരുടെ ?) ഒരു രാജി പോലും സ്വന്തമിഷ്ടപ്രകാരം സാധ്യമാകാത്ത റോളിന് 18 വയസ്സ് ആകാമെന്ന വാദം എന്തുകൊണ്ടാണ് എന്നറിയുമോ ?

അവൾ ഭരണകർത്താവല്ല പകരം ഭരിക്കപ്പെടുന്നവരാണ് എന്ന യുക്തിയാണ് അതിനു പിന്നിൽ . വോട്ടിട്ടു നോക്കി ഭരിക്കാൻ മൂന്നാണ്ട് കാത്തിരിക്കാമെങ്കിൽ ഇവിടെയും ഇതാവാം. പിന്നെ ലൈംഗിക സ്വാതന്ത്ര്യം അത് 18 കഴിഞ്ഞവർ താത്പര്യമുള്ളവർ നോക്കിക്കോളും. കൺസൻ്റ് എന്നാണന്ന് ബോധ്യപ്പെട്ട് മാനിച്ചാൽ മതി. വയലേറ്റ് ചെയ്തോ മാനി പുലേറ്റ് ചെയ്തോ എന്ന് സ്റ്റേറ്റ് നോക്കിക്കോളും.

പിന്നെ IPC 375 ൻ്റെ ഭർത്താവിൻ്റെ ബലാൽസംഗ പ്രിവില്ലേജ് ഇവിടെ കിട്ടില്ലന്ന് മാത്രം. ഒടുവിൽ: സതി നിരോധിച്ചത് ജീവിക്കാതിരിക്കാനുള്ള സ്ത്രീയുടെ അവകാശത്തിൻമേലുള്ള സ്റ്റേറ്റ് വയലൻസായി തോന്നുന്നവർ ദയവായി ഈ നിലയം വിട്ടു പോകണം. പോഷകാഹാരക്കുറവിന് കല്യാണം കഴിച്ചോട്ടെ എന്നതാണ് ഏറ്റവും വലിയ കോമഡി. രണ്ടും രണ്ടായി തന്നെ അഡ്രസ്സ് ചെയ്തേ മതിയാകു.