ജീവനെടുത്തത് മൊബൈല്‍ ഫോണ്‍... മൊബൈല്‍ ഗെയിമില്‍ ഹരം കയറി രണ്ട് വിദ്യാര്‍ഥികള്‍ ജീവനൊടുക്കി.... പോലീസ് അന്വേഷണം ഊര്‍ജ്ജിതമാക്കി
ജീവനെടുത്തത് മൊബൈല്‍ ഫോണ്‍... മൊബൈല്‍ ഗെയിമില്‍ ഹരം കയറി രണ്ട് വിദ്യാര്‍ഥികള്‍ ജീവനൊടുക്കി. ധര്‍മടത്തും കതിരൂര്‍ മലാലിലുമാണ് രണ്ട് സ്‌കൂള്‍ വിദ്യാര്‍ഥികള്‍ മരിച്ചത്.
പ്ലസ് ടു വിദ്യാര്‍ഥിയായ ധര്‍മടം കിഴക്കെ പാലയാട് റിവര്‍വ്യൂവില്‍ റാഫി- സുനീറ ദമ്പതികളുടെ മകനും എസ്എന്‍ ട്രസ്റ്റ് സ്‌കൂള്‍ വിദ്യാര്‍ഥിയുമായ അദിനാന്‍ (17), കതിരൂര്‍ മലാല്‍ എകെജി വായനാശാലക്ക് സമീപത്തെ അഥര്‍വ് (14) എന്നിവരാണ് മരിച്ചത്.
തന്റെ മൊബൈല്‍ ഫോണ്‍ എറിഞ്ഞ് തകര്‍ത്ത ശേഷം അദിനാന്‍ വിഷം കഴിക്കുകയായിരുന്നുവെന്നാണ് പോലീസിന് ലഭിച്ച വിവരം. മൊബൈല്‍ തകര്‍ത്ത ശേഷം മുറിക്ക് പുറത്ത് ഇറങ്ങിയ അദിനാന്‍ താന്‍ വിഷം കഴിച്ചതായി വീട്ടുകാരെ അറിയിക്കുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
അദിനാന്റെ മുറിയില്‍ നിന്നും സോഡിയം നൈട്രേറ്റ് കണ്ടെടുത്തു. അദിനാന്‍ എറിഞ്ഞു തകര്‍ത്ത മൊബൈല്‍ പോലീസ് കസ്റ്റഡിയിലെടുത്ത് പരിശോധിച്ച് വരികയാണ്. ധര്‍മ്മടം സിഐ സുമേശിന്റെ നേതൃത്വത്തിലുള്ള പോലീസ് സംഘമാണ് കേസ് അന്വേഷിക്കുന്നത്.
അദിനാന്റെ വീട്ടില്‍ പോലീസ് വീണ്ടും പരിശോധന നടത്തും. മഹാരാഷ്ട്രയിലെ കൊല്ലാപ്പൂര്‍ ഷന്‍വാര്‍ പേട്ടിലെ വീട്ടില്‍ വെച്ചാണ് അഥര്‍വ് ജീവനൊടുക്കിയത്. മൃതദേഹം അവിടെ പോസ്റ്റ് മോര്‍ട്ടം നടത്തിയ ശേഷം നാട്ടില്‍ കൊണ്ട് വന്ന് സംസ്‌കരിക്കുകയായിരുന്നു.
"
https://www.facebook.com/Malayalivartha
