സംവിധായകന് രഞ്ജിത്തിന്റെ അറസ്റ്റില് പ്രതികരിച്ച് പാര്വതി തിരുവോത്ത്
സിനിമയിലെ പലകാര്യങ്ങളിലും തന്റേതായ നിലപാടുകള് തുറന്നുപറഞ്ഞിട്ടുള്ള താരമാണ് പാര്വതി തിരുവോത്ത്. ഇപ്പോഴിതാ സംവിധായകന് രഞ്ജിത്തിന്റെ അറസ്റ്റിന്റെ പശ്ചാത്തലത്തില് തൊഴിലിടങ്ങളിലെ പുരുഷാധിപത്യത്തിനും സുരക്ഷാ വീഴ്ചകള്ക്കുമെതിരെ രൂക്ഷവിമര്ശനവുമായി നടി പാര്വതി തിരുവോത്ത് രംഗത്ത്. കുറ്റവാളികള്ക്ക് നിയമത്തെ ഭയമില്ലാത്തത് അവര് അര്ഹിക്കുന്ന ശിക്ഷ ലഭിക്കാത്തതുകൊണ്ടാണെന്നും രഞ്ജിത്തിന്റെ അറസ്റ്റ് തനിക്ക് ഒരു അദ്ഭുതമല്ലെന്നും താരം പറഞ്ഞു.
ഹേമ കമ്മിറ്റി റിപ്പോര്ട്ട് വര്ഷങ്ങളോളം പൂഴ്ത്തിവെച്ചതും കുറ്റാരോപിതര്ക്ക് ലഭിക്കുന്ന സംരക്ഷണവും ചൂണ്ടിക്കാട്ടിയ താരം, സിനിമയ്ക്കുള്ളിലെ അതിജീവനത്തെക്കുറിച്ചും ഡബ്ല്യു.സി.സിയുടെ പോരാട്ടങ്ങളെക്കുറിച്ചും മനസ്സ് തുറക്കുന്നു. അവകാശങ്ങള്ക്കായി ശബ്ദമുയര്ത്തുന്ന സ്ത്രീകള്ക്ക് തൊഴില് നിഷേധിക്കപ്പെടുന്ന സാഹചര്യത്തെക്കുറിച്ചും, ഒരു ആക്ടിവിസ്റ്റ് എന്ന നിലയിലും അഭിനേത്രി എന്ന നിലയിലും താന് നേരിടുന്ന വെല്ലുവിളികളെക്കുറിച്ചും പാര്വതി തുറന്നു പറഞ്ഞു.
''ഡബ്ല്യു.സി.സി എന്നത് സിനിമാ മേഖലയെ നിയന്ത്രിക്കാന് അധികാരമുള്ള ഒരു ഔദ്യോഗിക നിയമ നിര്മ്മാണ സമിതിയല്ല, മറിച്ച് സ്ത്രീകളുടെ അവകാശങ്ങള്ക്കായി ശബ്ദമുയര്ത്തുന്ന ഒരു കൂട്ടായ്മയാണ്. 2017 മുതല് ഞങ്ങള് കേവലം പ്രതിഷേധങ്ങള് മാത്രമല്ല നടത്തിയത്, മറിച്ച് ഭരണകൂടത്തെയും മുഖ്യമന്ത്രിയെയും നേരില്ക്കണ്ട് സിനിമയ്ക്കുള്ളില് കൃത്യമായ പോളിസികള് വേണമെന്ന് ആവശ്യപ്പെട്ടിട്ടുണ്ട്.
സിനിമയ്ക്കുള്ളിലെ ചൂഷണങ്ങളെക്കുറിച്ച് പഠിക്കാന് രൂപീകരിച്ച ഹേമ കമ്മിറ്റിയുടെ റിപ്പോര്ട്ട് നാലര വര്ഷത്തോളമാണ് പുറത്തുവിടാതെ രഹസ്യമാക്കി വച്ചത്. ഈ കാലയളവിലത്രയും മേഖലയില് ചൂഷണങ്ങള് തുടര്ക്കഥയാവുകയായിരുന്നു. ഇത്രയധികം തെളിവുകള് ഉണ്ടായിട്ടും കുറ്റവാളികള്ക്ക് ശിക്ഷ ലഭിക്കാത്തതും, സുരക്ഷിതമായ ഒരു തൊഴിലിടം ഉറപ്പാക്കാന് കൃത്യമായ നടപടികള് ഇല്ലാത്തതും കൊണ്ടാണ് ഇന്നും പലര്ക്കും യാതൊരു ഭയവുമില്ലാത്തത്.
പരാതികളുമായി മുന്നോട്ട് വരുന്ന സ്ത്രീകള്ക്ക് പിന്നീട് ഈ ഇന്ഡസ്ട്രിയില് ജോലി ലഭിക്കാത്ത അവസ്ഥയുണ്ട്. അവര്ക്ക് സാമ്പത്തികമായി നിലനില്ക്കാന് സാധിക്കാതെ വരുന്നു. പണമുള്ളവര്ക്കും സ്വാധീനമുള്ളവര്ക്കും എതിരെ പൊരുതുക എന്നത് സാധാരണക്കാരായ സ്ത്രീകള്ക്ക് വലിയ വെല്ലുവിളിയാണ്. ശിക്ഷ എന്ന പേരില് ഇവിടെ നടക്കുന്നത് വെറും അഭിനയമാണ്. അതിജീവിതര് നേരിടുന്ന സാമ്പത്തികവും സാമൂഹികവുമായ ബുദ്ധിമുട്ടുകളെക്കുറിച്ച് സമൂഹം വേണ്ടത്ര ബോധവാന്മാരല്ല. പലര്ക്കും പേരുകള് അറിയാനുള്ള ആകാംക്ഷ മാത്രമാണുള്ളത്, നീതി നടപ്പിലാക്കുന്നതില് താല്പ്പര്യമില്ല. ജനങ്ങള് പലപ്പോഴും ചോദിക്കുന്നത് 'എന്തുകൊണ്ട് ഇവര് നേരത്തെ പറഞ്ഞില്ല?' എന്നാണ്. എന്നാല് സിസ്റ്റത്തിന്റെ പോരായ്മകള് മൂലം അവര്ക്ക് നേരിടേണ്ടി വരുന്ന നഷ്ടങ്ങളെക്കുറിച്ച് ആരും ചിന്തിക്കുന്നില്ല.
സിനിമയില് കൃത്യമായ ഇന്റേണല് കമ്മിറ്റികള് വേണമെന്നത് ഇന്ന് എല്ലാവരും അംഗീകരിക്കുന്ന കാര്യമായി മാറിയിട്ടുണ്ട്. എങ്കിലും, തടയുക , നിരോധിക്കുക, ശിക്ഷിക്കുക എന്നീ മൂന്ന് ഘട്ടങ്ങള് ഫലപ്രദമായി നടപ്പിലാക്കാത്തിടത്തോളം കാലം സിനിമാ മേഖലയില് പൂര്ണമായ മാറ്റം സംഭവിക്കില്ല. ഇതിനായുള്ള പോരാട്ടത്തിലാണ് ഡബ്ല്യു.സി.സി മുന്നോട്ട് പോകുന്നത്.
https://www.facebook.com/Malayalivartha
