ശോഭാ സുരേന്ദ്രന് വോട്ടര്മാര്ക്ക് പണം വിതരണം ചെയ്തെന്ന വിവാദം: ശോഭ പണം നല്കിയിട്ടില്ലെന്ന് ദേവുവിന്റെ മൊഴി
പാലക്കാട് മണ്ഡലത്തിലെ ബിജെപി സ്ഥാനാര്ഥി ശോഭാ സുരേന്ദ്രന് വോട്ടര്മാര്ക്ക് പണം വിതരണം ചെയ്തെന്ന വിവാദത്തില്, തനിക്ക് പണം ലഭിച്ചിട്ടില്ലെന്ന് കണ്ണാടി സ്വദേശിനി ദേവു (65) മൊഴി നല്കിയതായി മുഖ്യ തിരഞ്ഞെടുപ്പ് ഓഫിസര് ഡോ. രത്തന് യു.കേല്ക്കര്. വിഷയത്തില് ഫ്ലൈയിങ് സ്ക്വാഡ് അന്വേഷണം നടത്തി. സംഭവത്തിന്റെ ഗൗരവം കണക്കിലെടുത്ത് കൂടുതല് വിശദമായ അന്വേഷണം ആവശ്യമാണെന്ന് ജില്ലാ തിരഞ്ഞെടുപ്പ് ഓഫിസര് കൂടിയായ കലക്ടര് റിപ്പോര്ട്ട് സമര്പ്പിച്ചതായും മുഖ്യ തിരഞ്ഞെടുപ്പ് ഓഫിസര് അറിയിച്ചു.
അതേസമയം, സംസ്ഥാനത്തു നാളെ പോളിങ് നടക്കാനിരിക്കെ ജില്ലയിലെ വിവിധ ബൂത്തുകളിലേക്കുള്ള പോളിങ് സാമഗ്രികളുടെ വിതരണം ആരംഭിച്ചു. അതത് മണ്ഡലങ്ങളില് സജ്ജീകരിച്ചിട്ടുള്ള വിതരണ കേന്ദ്രങ്ങളില് രാവിലെ 8 മുതലാണ് വിതരണം ആരംഭിച്ചത്. വര്ക്കല എസ്എന് കോളജ്, ആറ്റിങ്ങല് ഗവ. മോഡല് ബോയ്സ് ഹയര്സെക്കന്ഡറി സ്കൂള്, ചിറയിന്കീഴ് ഗവ. കോളജ്, ആറ്റിങ്ങല്, വാമനപുരം മോഹന്ദാസ് എന്ജിനീയറിങ് കോളജ് ആനാട്, നെടുമങ്ങാട് ഗവ. ഗേള്സ് ഹയര്സെക്കന്ഡറി സ്കൂള്, കാട്ടാക്കടക്രിസ്ത്യന് കോളജ്, കഴക്കൂട്ടം സര്വോദയ വിദ്യാലയ ഐസിഎസ്ഇ സ്കൂള്, തിരുവനന്തപുരംമണക്കാട് ഗേള്സ് സ്കൂള്, നേമംകോട്ടണ്ഹില് ജിഎച്ച്എസ് വഴുതക്കാട്, വട്ടിയൂര്ക്കാവ്പട്ടം കേന്ദ്രീയ വിദ്യാലയ, അരുവിക്കരമഞ്ച ടിഎച്ച്എസ്, പാറശാലഗവ.വിഎച്ച്എസ്എസ്, കോവളം നെയ്യാറ്റിന്കര ജിഎച്ച്എസ്എസ്, നെയ്യാറ്റിന്കര ഗവ എച്ച്എസ്എസ് എന്നിവിടങ്ങളാണ് പോളിങ് സാമഗ്രികള് വിതരണം ചെയ്യുന്നത്.
https://www.facebook.com/Malayalivartha
