ഐപിഎല്ലിൽ ഇന്ന് കൊൽക്കത്ത നൈറ്റ് റൈഡേഴ്‌സ് ലഖ്നൗ സൂപ്പർ ജയന്റ്സിനെ നേരിടും. ഈഡൻ ഗാർഡൻസിലാണ് മത്സരം നടക്കുന്നത്. ഇവിടെ നടന്ന പഞ്ചാബ് കിങ്സിനെതിരായ അവസാന മത്സരം മഴ മൂലം ഉപേക്ഷിച്ചതോടെ ഇരു ടീമുകൾക്കും ഓരോ പോയിന്റ് വീതം കിട്ടിയിരുന്നു.

ടൂർണമെന്റിൽ ഇതുവരെ ഒരു മത്സരത്തിൽ പോലും ജയിക്കാനായി കൊൽക്കത്തയ്ക്ക് കഴിഞ്ഞിട്ടില്ല. എന്നാൽ ലഖ്നൗ കളിച്ച രണ്ട് മത്സരങ്ങളിൽ ഒന്നിൽ ജയിക്കാൻ കഴിഞ്ഞത് ടീമിന്റെ ആത്മവിശ്വാസം വർധിപ്പിച്ചിട്ടുണ്ട്. കൊൽക്കത്തയുടെ ബാറ്റിങ് നിര ഭേദപ്പെട്ട പ്രകടനമാണ് ഇത് വരെ പുറത്തെടുത്തിട്ടുള്ളത്.

എന്നാൽ ബൗളിങ് നിര വേണ്ട രീതിയിൽ ശോഭിക്കുന്നില്ല എന്നതാണ് ടീമിന്റെ പ്രധാന പ്രശ്‌നമായുള്ളത്. ടീമിന്റെ തുറുപ്പ് ചീട്ടായ സ്പിന്നര്‍മാരായ വരുണ്‍ ചക്രവര്‍ത്തിയും സുനില്‍ നരെയ്‌നും തിളങ്ങാൻ കഴിഞ്ഞിട്ടില്ല. കഴിഞ്ഞ മത്സരത്തിലെ ആദ്യ 11ൽ നിന്ന് ഇരുവരെയും ഒഴിവാക്കിയിരുന്നു. ഇന്നത്തെ മത്സരത്തിൽ ഇരുവരും കളിച്ചേക്കുമെന്നാണ് സൂചനകളുള്ളത്.