ഓഹരി വിപണിയിൽ ഇന്ന് കനത്ത ഇടിവ്. ബിഎസ്ഇ സെൻസെക്‌സ് 700 പോയിന്റ് ആണ് താഴ്ന്നത്. നിലവിൽ 77000ൽ താഴെയാണ് സെൻസെക്‌സിൽ വ്യാപാരം നടക്കുന്നത്. ഇന്നലെ 2500ലധികം പോയിന്റ് ആണ് സെൻസെക്‌സ് മുന്നേറിയത്. ഭൗമ രാഷ്ട്രീയ രംഗത്ത് നിലനിൽക്കുന്ന അനിശ്ചിതത്വവും ലെബനനിൽ ഇസ്രയേൽ ബോംബ് വർഷം തുടർന്നാൽ യുദ്ധം അവസാനിപ്പിക്കുന്നതിനുള്ള ചർച്ചകളിൽ നിന്ന് ഏകപക്ഷീയമായി പിന്മാറുമെന്ന ഇറാന്റെ ഭീഷണിയുമാണ് വിപണിയിൽ പ്രതിഫലിക്കുന്നത്.

എണ്ണവില കുത്തനെ ഇടിഞ്ഞതും ഇന്നലെ വിപണിക്ക് കരുത്തായി. എന്നാൽ ഇസ്രയേലിന്റെ ആക്രമണത്തെ തുടർന്ന് പശ്ചിമേഷ്യയിൽ സംഘർഷം വീണ്ടും ഉടലെടുത്തത് എണ്ണവില വീണ്ടും ഉയരാൻ ഇടയാക്കിയിരിക്കുകയാണ്. ഇന്ത്യ മുഖ്യമായി ആശ്രയിക്കുന്ന ബ്രെൻഡ് ക്രൂഡിന്റെ വില ബാരലിന് 97 ഡോളറിലേക്ക് അടുക്കുകയാണ്.

ഇന്ത്യൻ ഓഹരി വിപണിയിലെ 16 പ്രധാന സെക്ടറുകളിൽ 11 എണ്ണവും നഷ്ടത്തിലാണ്. ഫിനാൻഷ്യൽ സ്റ്റോക്ക്‌സ് ഒരു ശതമാനം ഇടിവാണ് രേഖപ്പെടുത്തിയത്.

പ്രധാനമായി നഷ്ടം നേരിട്ടത് ലാർസൻ, ഇന്റർഗ്ലോബ് ഏവിയേഷൻ, എച്ച്ഡിഎഫ്‌സി ബാങ്ക്, ജിയോ ഫിനാൻഷ്യൽ, ശ്രീറാം ഫിനാൻസ് ഓഹരികളാണ് .