മുന്നറിയിപ്പ് നൽകാതെ യാത്രാ സമയത്തിൽ മാറ്റം വരുത്തി പ്രവസികളെ ദുരിതത്തിലാക്കുന്ന എയര്‍ ഇന്ത്യയുടെ നടപ‌ടി ഇതാദ്യമായല്ല. നേരത്തെയും യാത്രക്കാരെ വലയ്ക്കുന്ന സംഭവങ്ങൾ എയര്‍ ഇന്ത്യയുടെ ഭാ​ഗത്തുനിന്നും ഉണ്ടായിട്ടുണ്ട്. ഇതേ തെറ്റ് തന്നെ വീണ്ടും വീണ്ടും ആവർത്തിക്കുകയാണ് ചെയ്യുന്നത്. കരിപ്പൂര്‍ വിമാനത്താവളത്തില്‍ മുന്നറിയിപ്പ് പോലുമില്ലാതെ വിമാനം നേരത്തെ പോയ വർത്തയാണ് ഇപ്പോൾ പുറത്തുവരുന്നത്. ഇതിൽ പ്രതിഷേധം ഉയർത്തി യാത്രക്കാർ ​രം​ഗത്തെത്തിയിരുന്നു.

എയര്‍ ഇന്ത്യയുടെ ഈ നടപടി യാത്രക്കാരെ സംബന്ധിച്ച് എത്രത്തോളം നഷ്ടവും ബുദ്ധിമൂട്ടും ഉണ്ടാക്കുന്ന കാര്യമാണിത്. ഇതിൽ ഉണ്ടാകുന്ന സമ്പത്തിക നഷ്ടം ആര് നികത്തും. ഈ ചോദ്യങ്ങൾക്കുള്ള ഉത്തമില്ലെങ്കിൽ പിന്നെ ഒരു മുന്നയിപ്പെങ്കിലും യാത്രക്കാർക്ക് കൊത്തുകൂടെ. എയർപ്പോർട്ടിലേക്ക് എത്താൻ അധികം സമയം വേണ്ടിവരുന്നവർക്ക് എയര്‍ ഇന്ത്യയുടെ ഈ സ്ഥിരിതയില്ലാത്ത പ്രവർത്തിയിൽ നിസ്സഹായരായി നിൽക്കാൻ മാത്രമേ കഴിയുള്ളൂ.

ഖത്തറിലേക്ക് പോകേണ്ടിരുന്ന യാത്രക്കാരാണ് ഇത്തരത്തിൽ ദുരിതത്തിലായത്. ഉച്ചയ്ക്ക് 12 മണിക്ക് പുറപ്പെടേണ്ട എയര്‍ ഇന്ത്യ എക്സ്പ്രെസ് രാവിലെ 6 മണിക്ക് പുറപ്പെട്ടതാണ് പ്രശ്നത്തിന് കാരണമായത്. ഇതോടെ ജോലിക്ക് ജോയിന്‍ ചെയ്യേണ്ടതടക്കം നിരവധി യാത്രക്കാര്‍ ദുരിതത്തിലായി. വിമാനം നേരത്തെ എത്തിയത് സംബന്ധിച്ച്‌ മെയില്‍ വഴി സന്ദേശം നല്‍കിയിരുന്നുവെന്നാണ് എയര്‍ ഇന്ത്യ നല്‍കുന്ന വിശദീകരണം.

എന്നാല്‍ ഇ-മെയില്‍ സന്ദേശം ആര്‍ക്കും ലഭിച്ചില്ലെന്നാണ് യാത്രക്കാർ പറയുന്നത്.എയര്‍ ഇന്ത്യയില്‍ നിന്നാദ്യമായല്ല ഇത്തരമൊരു വീഴ്ച സംഭവിക്കുന്നതെന്നത് ഓർക്കണം. മുന്‍പ് വൈകീട്ട് 8.25 ന് പോകേണ്ടിയിരുന്ന എയര്‍ ഇന്ത്യ ദുബായ് വിമാനം ഉച്ചയ്ക്ക് ഒന്നരയ്ക്ക് പുറപ്പെട്ടത് വലിയ പ്രതിഷേധങ്ങള്‍ക്ക് വഴിവച്ചിരുന്നു. ഈ സംഭവങ്ങൾ ശേഷമാണ് വീണ്ടും ഇത്തരമൊരു നടപടി.