മോഹന്ലാലിന് എതിരായ ആനക്കൊമ്പ് കേസ് പിന്വലിക്കാനുള്ള സര്ക്കാര് തീരുമാനത്തിന് എതിരായ ഹര്ജി കോടതി തള്ളി... ഉത്തരവ് തള്ളിയത് പെരുമ്പാവൂര് ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി...
നടന് മോഹന്ലാലിന് എതിരായ ആനക്കൊമ്പ് കേസ് പിന്വലിക്കാനുള്ള സര്ക്കാര് തീരുമാനത്തിന് എതിരായ ഹര്ജി തള്ളി പെരുമ്പാവൂര് ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി. ഏലൂര് സ്വദേശി എഎ പൗലോസും വനംവകുപ്പ് മുന് ഉദ്യോഗസ്ഥന് റാന്നി സ്വദേശി ജയിംസ് മാത്യുവും സമര്പ്പിച്ച ഹര്ജികളാണ് പെരുമ്പാവൂര് ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി തള്ളിയത്. കേസുമായി മുന്നോട്ട് പോവുന്നതില് കാര്യമില്ലെന്ന് ചൂണ്ടിക്കാട്ടിയായിരുന്നു സര്ക്കാര് കേസ് പിന്വലിക്കാന് തീരുമാനിച്ചത്. ഇതായിരുന്നു ഹര്ജിക്കാര് ചോദ്യം ചെയ്തത്. ആനക്കൊമ്പ് കേസില് ഉള്പ്പെട്ടത് പൊതുപണം അല്ലെന്നും അതിനാല് ഹര്ജിക്കാരുടെ വാദം പരിഗണേക്കേണ്ട സാഹചര്യമില്ലെന്നും സര്ക്കാര് കോടതിയെ അറിയിച്ചിരുന്നു. ഹര്ജികളില് നടപടി തുടരുന്നത് കോടതി നടപടികളുടെ ദുരുപയോഗമാണെന്നുമുള്ള നിലപാട് ആയിരുന്നു സര്ക്കാര് സ്വീകരിച്ചത്. ഇത് അംഗീകരിച്ചായിരുന്നു കോടതി ഹര്ജികള് തള്ളിയത്. എന്നാല്, വിധിക്ക് എതിരെ അപ്പീല് നല്കുമെന്നാണ് ഹര്ജിക്കാരുടെ നിലപാട്. അതേസമയം, നടന് മോഹന്ലാലിന് അനധികൃത ആനക്കൊമ്പുകള് കൈവശംവെയ്ക്കാന് അനുമതി നല്കിയതിനെതിരായ ഹര്ജി ഹൈക്കോടതി പിന്നീട് പരിഗണിക്കാനായി മാറ്റിയിരുന്നു.
https://www.facebook.com/Malayalivartha
