കുറവിലങ്ങാട് ബൈക്കും കാറും കൂട്ടിയിടിച്ചുണ്ടായ അപകടത്തില് മരിച്ച ജിഷ്ണുവിന്റെ വിയോഗം താങ്ങാനാവാതെ കുടുംബം... നാലു വര്ഷം മുമ്പ് ഭര്ത്താവ് ആനയുടെ കുത്തേറ്റ് മരിച്ചു, ഇപ്പോള് മകനും പോയി, സങ്കടം അടക്കാനാവാതെ ജിഷ്ണുവിന്റെ അമ്മ
കുറവിലങ്ങാട് ബൈക്കും കാറും കൂട്ടിയിടിച്ചുണ്ടായ അപകടത്തില് മരിച്ച ജിഷ്ണുവിന്റെ വിയോഗം താങ്ങാനാവാതെ കുടുംബം... നാലു വര്ഷം മുമ്പ് ഭര്ത്താവ് ആനയുടെ കുത്തേറ്റ് മരിച്ചു, ഇപ്പോള് മകനും പോയി, സങ്കടം അടക്കാനാവാതെ ജിഷ്ണുവിന്റെ അമ്മ
വെമ്പള്ളി കടപ്ലാമറ്റം റോഡില് കല്ലാലി പാലത്തിനു സമീപത്തായാണ് ബൈക്കും കാറും കൂട്ടിയിടിച്ചുണ്ടായ അപകടമുണ്ടായത്. ജിഷ്ണു പോയതോടെ ആ കുടുംബം അനാഥമായി. ഇന്നലെ വൈകിട്ട് 6.45നു ജിഷ്ണുവിന്റെ വീടിനു സമീപത്തായിരുന്നു അപകടം നടന്നത്.
വെമ്പള്ളി കദളിക്കാട്ടില് പരേതനായ ബാബുവിന്റെ ഏക മകനാണ് ജിഷ്ണു (24). ആനപ്പാപ്പാന് ആയിരുന്ന ബാബു നാല് വര്ഷം മുന്പ് ആനയുടെ കുത്തേറ്റു മരിച്ച ശേഷം വീടിന്റെ ഏക് ആശ്രയമായിരുന്നു ജിഷ്ണു. ഫുട്ബോള് കളിക്കാരനായ ജിഷ്ണു ജലനിധി പദ്ധതി കരാര് ജോലികളിലും സജീവമായിരുന്നു.
വീട്ടില് നിന്ന് ഇറങ്ങി മിനിറ്റുകള്ക്കുള്ളിലാണ് അപകടം നടന്നത്. ബൈക്കില് വെമ്പള്ളി ഭാഗത്തേക്കു പോകുമ്പോള് എതിര്ദിശയില് വന്ന കാര് ഇടിച്ചു വീഴ്ത്തി. ഉടന് തന്നെ കോട്ടയം മെഡിക്കല് കോളജ് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. ജിഷ്ണുവിന്റെ മരണത്തോടെ അമ്മ വിജയമ്മയും അച്ഛന്റെ മാതാവും മാത്രമായി കദളിക്കാട്ടില് വീട്ടില്. അപകടവിവരം അറിഞ്ഞു വീട്ടില് എത്തിയവര്ക്ക് ആ കാഴ്ച കണ്ടു നില്ക്കാനായില്ല.
"
https://www.facebook.com/Malayalivartha
