കേരളത്തിനുള്ളിലും പുറത്തും ആനുകാലിക വിഷയങ്ങളിൽ തന്റെ വ്യക്തമായ നിലപാട് അറിയിക്കുന്ന ആളാണ് സുരേഷ്ഗോപി എംപി. അദ്ദേഹം ഒരു ജനപ്രതിനിധി അല്ലെങ്കിൽ സിനിമാ സൂപ്പർ സ്റ്റാർ എന്നതിലുപരി ഒരു നല്ല മനുഷ്യസ്നേഹി എന്ന നിലയിൽ ഏറെ ജനകീയനാണ് അദ്ദേഹം. മറ്റുള്ളവരെ അകമഴിഞ്ഞ് സഹായിക്കാൻ അദ്ദേഹം ശ്രമിച്ചിട്ടുണ്ട്. അങ്ങനെ എത്രയെത്ര വാർത്തകളാണ് പുറത്ത് വാണിതിട്ടുള്ളത്.

ഇപ്പോഴിതാ പുതിയ സിനിമകളുടെ അഡ്വാൻസ് കിട്ടുമ്പോൾ അതിൽനിന്നു രണ്ട് ലക്ഷം രൂപ മിമിക്രി കലാകാരന്മാരുടെ സംഘടനയ്ക്കു നൽകുമെന്ന വാക്ക് വീണ്ടും പാലിച്ച് സുരേഷ്ഗോപി രംഗത്ത് എത്തിയിരിക്കുകയാണ്. ഒറ്റക്കൊമ്പൻ എന്ന സിനിമയിൽ നിന്നുള്ള അഡ്വാൻസ് ലഭിച്ചപ്പോഴാണ് അദ്ദേഹം രണ്ടു ലക്ഷത്തിന്റെ ചെക്ക് മാ സംഘടനയ്ക്ക് നൽകിയത്. ഇക്കഴിഞ്ഞ ഓണക്കാലത്ത് ഒരു ടെലിവിഷൻ ചാനലിൽ നടന്ന പരിപാടിയിലാണ് സുരേഷ് ഗോപി മിമിക്രി കലാകാരന്മാർക്ക് സഹായം പ്രഖ്യാപിച്ചുകൊണ്ട് രംഗത്ത് എത്തിയത്.

അതേസമയം സുരേഷ് ഗോപിയെ നായകനാക്കി മാത്യു തോമസ് സംവിധാനം ചെയ്യുന്ന ചിത്രമാണ് ഒറ്റക്കൊമ്പൻ. ഷിബിന്‍ തോമസാണ് കഥയും തിരക്കഥയും. ടോമിച്ചൻ മുളകുപാടം ആണ് നിർമാണം.