ആര്‍ എസ് എസ് നേതാവ് ശ്രീനിവാസന്‍ വധക്കേസില്‍ രണ്ട് പേര്‍ കൂടി പിടിയില്‍.... ഇതിലൊരാള് ശ്രീനിവാസനെ വെട്ടിയ ആളാണെന്ന് സൂചന, കൂടുതല്‍ അറസ്റ്റ് ഇന്നുണ്ടായേക്കും
ആര്‍ എസ് എസ് നേതാവ് ശ്രീനിവാസന്‍ വധക്കേസില്‍ രണ്ട് പേര്‍ കൂടി പിടിയിലായി. ഇതിലൊരാള് ശ്രീനിവാസനെ വെട്ടിയ ആളാണെന്ന് സൂചനയുണ്ട്. മറ്റേയാളെ പിടികൂടിയത് ഗൂഢാലോചനയില്‍ പങ്കെടുത്തതിനാണ്. കൂടുതല്‍ അറസ്റ്റ് ഇന്നുണ്ടായേക്കും.
ഈ മാസം പതിനാറിന് ഉച്ചയ്ക്ക് മേലാമുറി ജംഗ്ഷനിലെ സ്വന്തം കടയില്‍വച്ചാണ് ശ്രീനിവാസന്‍ ആക്രമണത്തിനിരയായത്. മൂന്ന് ബൈക്കുകള്‍ക്ക് പുറമെ കൊലയാളി സംഘം കാറും ഉപയോഗിച്ചിരുന്നുവെന്ന് ഇന്നലെ കണ്ടെത്തി. ഈ കാറിലാണ് ആയുധമെത്തിച്ചതെന്ന് പൊലീസ് സ്ഥിരീകരിച്ചു.
മേലാമുറിക്ക് സമീപത്തു വച്ചാണ് ആയുധങ്ങള്‍ അക്രമിസംഘത്തിന് കൈമാറിയതെന്ന് അന്വേഷണ ഉദ്യോഗസ്ഥര്‍. ബൈക്കിന് പിന്നിലിരുന്ന മൂന്നുപേരാണ് കടയ്ക്ക് അകത്തേക്ക് പാഞ്ഞുകയറിയതും ശ്രീനിവാസനെ കൊലപ്പെടുത്തിയതും. ഈ മൂന്ന് പേരില്‍ ഒരാളാണ് ഇപ്പോള്‍ പിടിയിലായിരിക്കുന്നത്. ആറംഗ സംഘത്തിലെ രണ്ട് പേരാണ് ഇതുവരെ പിടിയിലായത്.
അതേസമയം എസ് ഡി പി ഐ നേതാവ് സുബൈര്‍ വധക്കേസില്‍ പ്രതികളുടെ തിരിച്ചറിയല്‍ പരേഡ് ഇന്ന് നടക്കും. ഈ മാസം പതിനഞ്ചിനാണ് സുബൈര്‍ കൊല്ലപ്പെട്ടത്.
2021 നവംബര്‍ 15ന് കൊല്ലപ്പെട്ട ആര്‍ എസ് എസ് പ്രവര്‍ത്തകന്‍ സഞ്ജിത്തിന്റെ ഉറ്റസുഹൃത്തുക്കളും ആര്‍ എസ് എസ് പ്രവര്‍ത്തകരുമാണ് കേസിലെ പ്രതികള്‍. സഞ്ജിത്തിന്റെ കൊലപാതകത്തിലുള്ള വൈരാഗ്യമാണ് സുബൈറിന്റെ കൊലപാതകത്തിന് കാരണമെന്ന് പ്രതികള്‍ മൊഴി നല്‍കി.
"
https://www.facebook.com/Malayalivartha
