സംസ്ഥാനത്തെ ഞെട്ടിച്ച് വൻ മയക്കുമരുന്ന് വേട്ട. കൊച്ചി ഇൻഫോ പാർക്ക് പൊലീസ് സ്‌റ്റേഷൻ പരിധിയിലാണ് വീണ്ടും വൻ മയക്കു മരുന്ന് വേട്ട റിപ്പോർട്ട് ചെയ്തിരിക്കുന്നത്. കോട്ടയം സ്വദേശിയായ യുവതി ഉൾപ്പെടെ എട്ട് പേർ പിടിയിലായിരിക്കുകയാണ്. കെന്റ് മഹൽ ഫ്‌ളാറ്റിലാണ് മയക്കുമരുന്ന് കണ്ടെത്തിയിരിക്കുന്നത്.

അതോടൊപ്പം തന്നെ ഇവരുടെ കയ്യിൽ നിന്നും പരിശോധനയിൽ ഹാഷിഷ് ഓയിലിന്റെ 82 ബോട്ടിൽ പിടിച്ചെടുക്കുകയുണ്ടായി. കൂടാതെ എംഡിഎംഎയും കണ്ടെത്തി. രഹസ്യ വിവരത്തിന്റെ അടിസ്ഥാനത്തിലായിരുന്നു ഇൻഫോ പാർക്ക് പൊലീസ് അന്വേഷണം നടത്തിയത്.

ഇതുവഴി തിരുവനന്തപുരം കല്ലമ്പലം സ്വദേശിയായ റിസ്വാൻ 23 വയസ്, വഴുതക്കാടുകാരനായ ശങ്കരനാരായണൻ, ചേർത്തലക്കാരനായ ജിഷ്ണു രമേശ് (22), തെക്കുംകുടിയിലെ അനന്തു സജി, ഹരിപ്പാട്ടെ അഖിൽ മനോജ്, ചാവക്കാട്ടെ അൻസാരി, കോട്ടയം സ്വദേശിനി കാർത്തിക യു (26) എന്നിവരെയാണ് പോലീസ് പിടികൂടിയത്.