പത്ത് കൊല്ലം ഒരുമിച്ച് ജീവിച്ചിട്ടും അവനവളെ മനസ്സിലായില്ല. ഒരു അപ്രതീക്ഷിത നിമിഷത്തിലെ ദേഷ്യം തീർക്കാൻ വിഷ്ണു കണ്ടെത്തിയ മാർ​ഗം കൊലപാതകം. കലിപ്പ് തീരും വരെ അവൻ അവളെ കുത്തി. ചോര പുറത്ത് വന്നിട്ടും അവളുടെ ശബ്ദം കാതിലേക്ക് തുളച്ച് കയറിയിട്ടും വിഷ്ണു അടങ്ങിയില്ല. കുടുംബ വഴക്കിനെ തുടർന്ന് അതി​ദാരുണ കൊലപാതകമാണ് തലസ്ഥാനത്ത് അരങ്ങേറിയത്. തിരുവനന്തപുരം  നെയ്യാറ്റിൻകരയിൽ ഭർത്താവ് ഭാര്യയെ കുത്തി കൊലപ്പെടുത്തി.

വ്ളാത്താങ്കര സ്വദേശി എം.എൽ അൽമ (33) ആണ് മരിച്ചത്. ഭർത്താവ് വിഷ്ണുവിനെ പൊലീസ് കസ്റ്റഡിയിൽ എടുത്തു. ഇന്ന് രാവിലെയാണ് സംഭവം. കുടുംബ പ്രശ്നങ്ങളാണ് കൊലപാതകത്തിന് പിന്നിലെന്നാണ് നി​ഗമനം. വഴക്കിനിടെ കത്തി ഉപയോ​ഗിച്ച് കഴുത്തിൽ കുത്തുകയായിരുന്നു. സ്വകാര്യ ട്യൂഷൻ സെൻ്ററിൽ അധ്യാപകനാണ് വിഷ്ണു.

ഇവർ തമ്മിൽ വഴക്ക് നിലനിന്നിരുന്നതായാണ് അയൽവാസികൾ നൽകുന്ന വിവരം. കൊലപാതക ശേഷം പ്രതി തന്നെയാണ് വിവരം അയൽവാസികളെ അറിയിച്ചത്. തുടർന്ന് ഇവർ പൊലീസിനെ വിവരം അറിയിക്കുകയായിരുന്നു.