പെട്രോള് പമ്പില് ജീവനക്കാരനെ കെട്ടിയിട്ട് മോഷണം .... കോഴിക്കോട് കോട്ടൂളിയില് പെട്രോള് പമ്പില് ജീവനക്കാരനെ കെട്ടിയിട്ട് ബന്ദിയാക്കി അജ്ഞാതന്റെ കവര്ച്ച സിനിമാ സ്റ്റൈലില്... പമ്പിലെ സിസിടിവിയില് നിന്ന് പൊലീസിന് ലഭ്യമായത് ഞെട്ടിക്കുന്ന ദൃശ്യങ്ങള്
പെട്രോള് പമ്പില് ജീവനക്കാരനെ കെട്ടിയിട്ട് മോഷണം .... കോഴിക്കോട് കോട്ടൂളിയില് പെട്രോള് പമ്പില് ജീവനക്കാരനെ കെട്ടിയിട്ട് ബന്ദിയാക്കി അജ്ഞാതന്റെ കവര്ച്ച സിനിമാ സ്റ്റൈലില്... പമ്പിലെ സിസിടിവിയില് നിന്ന് പൊലീസിന് ലഭ്യമായത് ഞെട്ടിക്കുന്ന ദൃശ്യങ്ങള്.
അര്ദ്ധരാത്രിയോടെയാണ് ജീവനക്കാരനെ കെട്ടിയിട്ട് സിനിമാസ്റ്റൈലില് അജ്ഞാതന് കവര്ച്ച നടത്തിയത്. അമ്പതിനായിരം രൂപ കവര്ന്നു എന്നാണ് പ്രാഥമികനിഗമനം. സംഘത്തില് കൃത്യം എത്ര പേരുണ്ട് എന്ന വിവരം പൊലീസിന് ഇത് വരെ കിട്ടിയിട്ടില്ല.
സ്ഥലത്ത് മെഡിക്കല് കോളേജ് പൊലീസിന്റെ നേതൃത്വത്തില് ഫൊറന്സിക് വിദഗ്ധര് അടക്കം എത്തി പരിശോധന നടത്തുന്നു. പരിക്കേറ്റ പെട്രോള് പമ്പ് ജീവനക്കാരന് മുഹമ്മദ് റാഫിയെ ചികിത്സയ്ക്കായി കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.
കറുത്ത മുഖം മൂടിയിട്ട ഒരാളാണ് അര്ദ്ധരാത്രിയില് കോഴിക്കോട് കോട്ടൂളിയിലെ പെട്രോള് പമ്പിലെത്തിയത്. കറുത്ത വസ്ത്രങ്ങളും കൈയുറയും ധരിച്ച ഇയാള് പെട്രോള് പമ്പിലെ ഓഫീസിലേക്ക് ഇടിച്ചു കയറി.
തുടര്ന്ന് പെട്രോള് പമ്പിലെ ജീവനക്കാരനും ഇയാളും തമ്മില് മല്പ്പിടുത്തമുണ്ടായി. ജീവനക്കാരനെ ഇയാള് ക്രൂരമായി മര്ദ്ദിക്കുന്നത് ദൃശ്യത്തില് കാണാം. ഒടുവില് ജീവനക്കാരന്റെ കൈ തുണി കൊണ്ട് കെട്ടിയിട്ട് ഇയാള് ഓഫീസാകെ പരിശോധിച്ചശേഷം ഇയാള് പമ്പില് സൂക്ഷിച്ചിരുന്ന പണവും കൊണ്ട് രക്ഷപ്പെടുകയും ചെയ്തു.
"
https://www.facebook.com/Malayalivartha
